រាជធានីភ្នំពេញ ៖ តាមសេចក្តីរាយការណ៍បានឲ្យដឹងថា នៅវេលាម៉ោង១និង៤៥នាទីរសៀល ថ្ងៃទី១៤ ខែសីហា ឆ្នាំ២០១៨នេះមានការភ្ញាក់ផ្អើលដោយមានស្ត្រីវ័យជាង៣០ឆ្នាំម្នាក់បែកពពុះមាត់ និងក្អួតឈាមស្លាប់បាត់បង់ជីវិតនៅក្នុងផ្ទះសំណាក់ ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានបានប្រាប់ឱ្យដឹងថា នារីរងគ្រោះត្រូវបានបុរសម្នាក់ឌុបចូលមកស្នាក់ក្នុងផ្ទះសំណាក់នោះតាំងពីរសៀលថ្ងៃទី១៣ ម្សិលមិញ លុះម៉ោង៩យប់ដដែលបុរសម្នាក់នោះក៏បានជិះម៉ូតូចេញតែម្នាក់ឯងបាត់ទៅ ។ លុះមុននេះបន្តិចដល់ម៉ោងត្រូវបោសសំអាតបន្ទប់ និងដល់ម៉ោងចេញមិនឃើញចេញក៏បានទៅគោះទ្វារ និងចាក់សោចូលទៅមើល ត្រូវបានប្រទះឃើញនាងដេកស្លាប់បាត់ទៅហើយ ដោយមានបែកពពុះមាត់ និងក្អួតឈាមស្លាប់បាត់ទៅហើយ ។
ពាក់ពន្ធ័ទៅករណីស្ត្រីម្នាក់បែកពពុះមាត់ និងក្អួតឈាមស្លាប់របស់ស្ត្រីម្នាក់ខាងលើនេះដែរ គេមិនទាន់ដឹងថា រូបគាត់ស្លាប់ដោយសារករណីឃាតកម្ម ឬក៏ជាករណីអ្វីឡើយ ហើយពេលនេះកម្លាំងមានសមត្ថកិច្ចកំពុងតែចុះមកធ្វើការត្រួតពិនិត្យផងដែរ ៕ (ព័ត៌មានលម្អិតនឹងមានផ្សាយជូនបន្តនៅលើទំព័រកាសែតកោះសន្តិភាព ។)
ចែករំលែកព័តមាននេះ