ខេត្តតាកែវ ៖ យោងតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី១៤ ខែសីហា ឆ្នាំ២០១៨ នេះឲ្យបងប្អូនប្រជាពលរដ្ឋ និងអ្នកប្រកបរបរអាជីវកម្មយានយន្តដឹកទំនិញ…
ខេត្តតាកែវ ៖ យោងតាមបទបញ្ជាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី១៤ ខែសីហា ឆ្នាំ២០១៨ នេះឲ្យបងប្អូនប្រជាពលរដ្ឋ និងអ្នកប្រកបរបរអាជីវកម្មយានយន្តដឹកទំនិញ យានយន្តដឹកអ្នកដំណើរគ្រប់ប្រភេទ ដោយឆ្លងកាត់ផ្លូវជាតិលេខ២១ ដោយភ្ជាប់ពីផ្លូវជាតិលេខ២ ខាងលិចមន្ទីរសុខាភិបាល មកទល់នឹងផ្លូវលេខ១២៥ក ឬហៅថាផ្លូវវាងក្រុង សម្តេចផ្តល់ជូនបងប្អូននូវផ្លូវខាងលើដោយមិនយកប្រាក់ចាប់ពីម៉ោង២៤ (ម៉ោង១២អធ្រាត្រ) ថ្ងៃទី១៤ ខែសីហានេះតទៅ ។ ព័ត៌មានលម្អិតសូមមើលខាងក្រោម ៖
ក្នុងនាមរដ្ឋបាលខេត្ត និងនាមជាពលរដ្ឋ និងអាជីវករ សូមសម្តែងនូវការដឹងគុណដ៏ជ្រាលជ្រៅបំផុតចំពោះទឹកចិត្តប្រកបដោយមេត្តាធម៌ និងការគិតគូរប្រកបដោយកិត្តិព្រឹទ្ធបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ក្នុងការផ្តល់នៅការប្រើប្រាស់ផ្លូវខាងលើដោយមិនយកប្រាក់ដល់យើងខ្ញុំទាំងអស់គ្នា ។
រដ្ឋបាលខេត្ត និងប្រជាពលរដ្ឋ និងអាជីវករ ទទួលប្រើប្រាស់ផ្លូវ និងធ្វើដំណើរតាមផ្លូវវាងក្រុងខាងលើប្រកបដោយសេចក្តីរីករាយ ដោយសុវត្ថិភាព និងគោរពច្បាប់ចរាចរណ៍ ៕
ចែករំលែកព័តមាននេះ