រាជធានីភ្នំពេញ ៖ យុវជនជាជនសង្ស័យម្នាក់ក្នុងចំណោមបក្ខពួកគ្នា៣នាក់ ត្រូវបានកម្លាំងមានសមត្ថកិច្ច ខណ្ឌដូនពេញចាប់ឃាត់ខ្លួន ខណៈពេលដែលពួកគេនាំគ្នាជិះម៉ូតូចំនួន ២គ្រឿងធ្វើសកម្មភាពឆក់កាបូប ពីស្ត្រីម្នាក់ដែលកំពុងជិះឡាំប្រឺតាឥណ្ឌានៅតាមផ្លូវនោះ។ ការចាប់ឃាត់ខ្លួនជនសង្ស័យម្នាក់ខាងលើនេះ ដែរ…
រាជធានីភ្នំពេញ ៖ យុវជនជាជនសង្ស័យម្នាក់ក្នុងចំណោមបក្ខពួកគ្នា៣នាក់ ត្រូវបានកម្លាំងមានសមត្ថកិច្ច ខណ្ឌដូនពេញចាប់ឃាត់ខ្លួន ខណៈពេលដែលពួកគេនាំគ្នាជិះម៉ូតូចំនួន ២គ្រឿងធ្វើសកម្មភាពឆក់កាបូប ពីស្ត្រីម្នាក់ដែលកំពុងជិះឡាំប្រឺតាឥណ្ឌានៅតាមផ្លូវនោះ។ ការចាប់ឃាត់ខ្លួនជនសង្ស័យម្នាក់ខាងលើនេះ ដែរ បានធ្វើឡើងកាលពីវេលាម៉ោង៣រសៀល ថ្ងៃទី១៣ ខែសីហា ឆ្នាំ២០១៨ នៅលើផ្លូវR6 (ផ្លូវរថភ្លើង) ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា យុវជនជាជន សង្ស័យ ដែលត្រូវបានចាប់ឃាត់ខ្លួនមានឈ្មោះ លីវ ម៉ុងខា អាយុ១៧ឆ្នាំ ជាសិស្សថ្នាក់ទី៨ នៃសាលាវត្តភ្នំ ស្នាក់នៅផ្ទះលេខ៧ ក្នុងខណ្ឌឫស្សីកែវ។ មុនពេលកើតហេតុ ស្ត្រីជា ជនរងគ្រោះបានធ្វើ ដំណើរតាមឡាំប្រឺតាឥណ្ឌាមួយគ្រឿង តាមបណ្តោយផ្លូវលេខ៧០ ក្នុងសង្កាត់ស្រះចក ខណ្ឌដូនពេញ ក៏ស្រាប់តែមានជនសង្ស័យចំនួន៥នាក់ជិះម៉ូតូចំនួន៣គ្រឿងមកក្បែរ ហើយបក្ខពួករបស់គេចំនួន ២នាក់ជិះម៉ូតូមួយគ្រឿង ទៀតនាំគ្នាធ្វើសកម្មភាពឆក់យកទៅបាត់តែម្តង។
តាមប្រពដដែលបានប្រាប់ឱ្យ ដឹងថា ក្រោយពីបក្ខពួករបស់គេទាំង៥នាក់នាំគ្នាជិះម៉ូតូចំនួន ៣គ្រឿងធ្វើសកម្មភាពឆក់បានកាបូបពីស្ត្រី ជាជនរងគ្រោះហើយនោះ នាងក៏បានស្រែកថា <<ចោរៗ>> ធ្វើឲ្យមានការភ្ញាក់ផ្អើលទៅដល់អ្នកដំណើរ តាមផ្លូវដេញចាប់បានយុវជនជាអ្នកជិះម៉ូតូបិទគូទបានម្នាក់ និងម៉ូតូម៉ាក ហុងដាC125 ពណ៌ខ្មៅ ស៊េរីឆ្នាំ ២០១៨ ពាក់ស្លាកលេខ ភ្នំពេញ ១GS-៦៨៣៩ មួយគ្រឿង និងប្រគល់ឲ្យកម្លាំង មានសមត្ថកិច្ចតែម្តង។
ក្រោយពេលដែលកម្លាំងមានសមត្ថកិច្ចចាប់ឃាត់ខ្លួនយកមកកាន់អធិការដ្ឋានខណ្ឌដូនពេញរួចហើយនោះ ត្រូវបានរូបគេបានសារភាពប្រាប់ថា <<ខ្លួន និងបក្ខពួករបស់គេទាំង ៤នាក់ទៀតធ្លាប់បានធ្វើ សកម្មភាពឆក់កាបូប និងទូរស័ព្ទរបស់គេចំនួន៤លើកមកហើយ និងលើកនេះទៀតជាលើកទី៥ ក៏ត្រូវបានកម្លាំងមានសមត្ថកិច្ចចាប់បានតែម្តង >>។ ក្រោយពេលកើហេតុ ហេតុស្ត្រីជាជនរងគ្រោះ ក៏បានទៅដាក់ពាក្យបណ្តឹងនៅនគរបានប៉ុស្តិ៍ស្រះចក ចំណែកឯយុវជនជាជនសង្ស័យក៏បាននាំខ្លួន មកកាន់អធិការដ្ឋានខណ្ឌដូនពេញ ដើម្បីចាត់ការទៅតាមច្បាប់ និងធ្វើការស្រាវជ្រាវរកចាប់ ខ្លួនបក្ខពួកចំនួន៤នាក់ទៀតយកមកធ្វើការផ្តន្ទាទោសទៅតាមផ្លូវច្បាប់ជាបន្តទៅទៀតផងដែរ៕
ចែករំលែកព័តមាននេះ