ខេត្តបន្ទាយមានជ័យ ៖ ឃាត់ខ្លួនជនសង្ស័យ៧នាក់ មាន២នាក់ជាជនដៃដល់លួចគាស់តូបវេលុយ និងប្តូរប្រាក់យកអស់លុយ៣ម៉ឺនបាត និងប្រាក់រៀល៤លានរៀល កាត់ទូរស័ព្ទគឹតជាប្រាក់៨០០ដុល្លារ ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១១ ខែសីហា ឆ្នាំ២០១៨…
ខេត្តបន្ទាយមានជ័យ ៖ ឃាត់ខ្លួនជនសង្ស័យ៧នាក់ មាន២នាក់ជាជនដៃដល់លួចគាស់តូបវេលុយ និងប្តូរប្រាក់យកអស់លុយ៣ម៉ឺនបាត និងប្រាក់រៀល៤លានរៀល កាត់ទូរស័ព្ទគឹតជាប្រាក់៨០០ដុល្លារ ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១១ ខែសីហា ឆ្នាំ២០១៨ ។
ជនសង្ស័យ៧នាក់ដែលត្រូវចាប់ខ្លួនមានទី១-ឈ្មោះ កន ធុន ភេទប្រុស អាយុ១៦ឆ្នាំ(ជនដៃដល់), ទី២-ឈ្មោះ ណុច វណ្ណា ភេទប្រុស អាយុ១៧ឆ្នាំ(ជនដៃដល់), ទី៣-ឈ្មោះ ហោម បឿន ភេទប្រុស អាយុ១៨ឆ្នាំ, ទី៤-ឈ្មោះ អ៊ី ឡាដែន ភេទប្រុស អាយុ១៧ឆ្នាំ, ទី៥-ឈ្មោះ សៅ យ៉ក់ ភេទប្រុស អាយុ១៧ឆ្នាំ, ទី៦-ឈ្មោះ សុខ ខា ភេទប្រុសអាយុ២០ឆ្នាំ និងទី៧-ឈ្មោះ យឿង សុមាន ភេទប្រុស អាយុ១៧ឆ្នាំ ជនទាំង៧នាក់នេះរស់នៅភូមិបន្ទាយមានរិទ្ធ ឃុំគោករមៀត ស្រុកថ្មពួក ។
លោកវរសេនីយ៍ទោ ភឿង ម៉ាន់សឹង្ហ នាយការិយាល័យនគរបាលព្រម្មទណ្ឌកម្រិតធ្ងន់ខេត្តបន្ទាយមានជ័យបានប្រាប់ថា ដោយយោងតាមពាក្យបណ្តឹងជនរងគ្រោះឈ្មោះ ញ៉ុល ស៊ីថា ភេទប្រុស អាយុ៣៤ឆ្នាំ(ជាម្ចាស់តូបវេលុយ និងប្តូរប្រាក់) និងប្រពន្ធឈ្មោះ ថាប់ តន្ត្រី អាយុ៣៣ឆ្នាំ ដែលរស់នៅភូមិបន្ទាយមានរិទ្ធ ឃុំគោករមៀត ស្រុកថ្មពួក បានមកដាក់ពាក្យបណ្តឹងនៅអធិការដ្ឋាននគរបាលស្រុកថ្មពួកនៅអំឡុងម៉ោង១យប់រំឡងអធ្រាត្ររហូតដល់ម៉ោង៥និង៣០នាទីទៀបភ្លឺចូលថ្ងៃទី៣១ ខែកក្កដា ឆ្នាំ២០១៨ នៅតូបវេលុយ និងប្តូរប្រាក់នៅចំណុចផ្សារបឹងត្រកួន ស្ថិតភូមិបន្ទាយមានរិទ្ធ ឃុំគោករមៀត ស្រុកថ្មពួក មានជនសង្ស័យ១ក្រុមចូលលួចគាស់តូបចូលយកអស់លុយបាត៣ម៉ឺនបាត និងប្រាក់រៀលអស់៤លានរៀល និងកាតទូរស័ព្ទសម្រាប់លក់គឹតជាលុយ៨០០ដុល្លារ ។
លោកឧត្តមសេនីយ៍ត្រី សិទ្ធ ឡោះ ស្នងការរងនគរបាលខេត្តបន្ទាយមានជ័យបានបញ្ជាក់ថា ក្រោយពេលដែលជនសង្ស័យគាស់តូបវេលុយ និងប្តូរប្រាក់យកអស់ទ្រព្យសម្បត្តិហើយកម្លាំងនគរបាលបានទទួលបណ្តឹងហើយលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានចាត់អោយលោកដឹកនាំកម្លាំងជំនាញ និងកម្លាំងអធិការដ្ឋាននគរបាលស្រុកថ្មពួក និងកម្លាំងនគរបាលការពារព្រំដែនគោកលេខ៨០៧បានធ្វើការស្រាវជ្រាវ និងកំណត់មុខសញ្ញាហើយឃាត់ខ្លួនបានជាបន្តបន្ទាប់បានចំនួន៧នាក់នៅថ្ងៃទី១០ ខែសីហា ឆ្នាំ២០១៨ នៅភូមិសាស្ត្រ ឃុំគោករមៀត ស្រុកថ្មពួក ។
លោកបានបញ្ជាក់ថា ក្រោយពេលឃាត់ជនសង្ស័យ៧នាក់បានធ្វើការសាកសួរបានឆ្លើយសារភាពថា ខ្លួនពិតជាបានធ្វើសកម្មភាពលួចគាស់តូបវេលុយ និងប្តូរប្រាក់តូបផ្សារបឹងត្រកួនពិតម៉ែនដែលធ្វើសកម្មភាពដៃដល់២នាក់និង៥នាក់ជាបក្ខពួកចូលរួមក្រោយ ។ ដោយយោងតាមចម្លើយបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
ចែករំលែកព័តមាននេះ