ខេត្តព្រះសីហនុ ៖ តាមសេចក្តីរាយការណ៍បានឲ្យដឹងថា ស្រុកព្រៃនប់ថ្ងៃទី១១ ខែសីហា ឆ្នាំ២០១៨ វេលាម៉ោង១៨និង១៥នាទី លើផ្លូវជាតិលេខ៤ ចន្លោះគីឡូម៉ែត្រ២០១-២០២ ស្ថិតនៅក្នុងភូមិអូរតាសេក…
ខេត្តព្រះសីហនុ ៖ តាមសេចក្តីរាយការណ៍បានឲ្យដឹងថា ស្រុកព្រៃនប់ថ្ងៃទី១១ ខែសីហា ឆ្នាំ២០១៨ វេលាម៉ោង១៨និង១៥នាទី លើផ្លូវជាតិលេខ៤ ចន្លោះគីឡូម៉ែត្រ២០១-២០២ ស្ថិតនៅក្នុងភូមិអូរតាសេក ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងបង្កដោយខ្លួនឯងម៉ូតូ០១គ្រឿងម៉ាក MSX ពណ៌ស-ខ្មៅ គ្មានផ្លាកលេខ ។
សេចក្តីរាយការណ៍បន្តថា បើកបរដោយឈ្មោះ ហេង សៀកឡុង ភេទប្រុស អាយុ២៣ឆ្នាំ មុខរបរយោធាជើងទឹកមូលដ្ឋានរាម មានទីលំនៅភូមិអុង ឃុំរាម ស្រុកព្រៃនប់ ខេត្តព្រះសីហនុ មានអ្នករួមដំណើរម្នាក់ឈ្មោះ ម៉ន ណាវីត ភេទស្រី អាយុ២៤ឆ្នាំ មុខរបរនៅផ្ទះមានទីលំនៅដូចអ្នកបើកបរមានទិសដៅពីខេត្តព្រះសីហនុឆ្ពោះទៅភ្នំពេញ ។ លុះដល់ចំណុចខាងលើក៏ធ្លាក់ជង្ហុកដួលខ្លួនឯងតែម្ដង ។
គ្រោះថ្នាក់នេះបណ្ដាលឲ្យរងរបួសមនុស្សចំនួន០២នាក់ទី១- ឈ្មោះ ហេង សៀកឡុង អ្នកបើកបរម៉ូតូ រងរបួសធ្ងន់ បានបញ្ជូនទៅសង្គ្រោះនៅគ្លីនិកវាលរេញ ។ ទី២- ឈ្មោះ ម៉ន ណាវីត អ្នករួមដំណើរលើម៉ូតូរងរបួសធ្ងន់ បានបញ្ជូនទៅសង្គ្រោះនៅគ្លីនិកវាលរេញ ។ បញ្ជាក់អ្នកបើកបរ និង អ្នករួមដំណើរលើម៉ូតូ មិនពាក់មួកសុវត្ថិភាពទេ ។
អ្នករងគ្រោះទាំង២ខាងលើ ក្រោយពីបានបញ្ជូនទៅមន្ទីរពេទ្យក៏បានស្លាប់ទាំង២នាក់ ព្រោះរបួសធ្ងន់ ហើយក៏ប្រគល់ជូនទៅឲ្យក្រុមគ្រួសារយកទៅធ្វើបុណ្យតាមប្រពៃណី ។ រីឯវត្ថុតាងម៉ូតូ០១គ្រឿងបានយកមករក្សាទុកបណ្ដោះអាសន្ននៅប៉ុស្តិ៍រដ្ឋបាលឃុំអូរឧកញ៉ាហេង ៕
ចែករំលែកព័តមាននេះ