ខេត្តកណ្ដាល ៖ សេចក្តីរាយការណ៍បឋមឱ្យដឹងថា បុរសវ័យចំណាស់ម្នាក់ ត្រូវបានប្រទះឃើញលង់ទឹកស្ទឹងស្លាប់ កាលពីវេលាម៉ោង០៥ និង២០នាទីល្ងាចថ្ងៃទី១០ សីហា ស្ថិតនៅចំណុចក្នុងស្រះទឹកអន្លង់នាង ក្នុងភូមិស្រុកចេក…
ខេត្តកណ្ដាល ៖ សេចក្តីរាយការណ៍បឋមឱ្យដឹងថា បុរសវ័យចំណាស់ម្នាក់ ត្រូវបានប្រទះឃើញលង់ទឹកស្ទឹងស្លាប់ កាលពីវេលាម៉ោង០៥ និង២០នាទីល្ងាចថ្ងៃទី១០ សីហា ស្ថិតនៅចំណុចក្នុងស្រះទឹកអន្លង់នាង ក្នុងភូមិស្រុកចេក ឃុំបឹងខ្យាង ស្រុកកណ្តាលស្ទឹង ខេត្តកណ្តាល ។
សេចក្តីរាយការណ៍បន្តថា ជនរងគ្រោះខាងលើ ឈ្មោះ ស៊ន ឆេង អាយុ៦៣ឆ្នាំ ជាកសិករ រស់នៅភូមិកំពុងតាឡុង ឃុំបឹងខ្យាង ស្រុកកណ្ដាលស្ទឹង ខេត្តកណ្ដាល ។ តាមការបំភ្លឺរបស់ប្រពន្ធជនរងគ្រោះឈ្មោះ សេង ផាន ប្រាប់សមត្ថកិច្ចថា មុនពេលកើតហេតុវេលាម៉ោងប្រមាណ២ និង៣០នាទីរសៀល គាត់ (ជនរងគ្រោះ)បានដើរចេញពីផ្ទះ ក្នុងគោលបំណងទៅងូតទឹកស្រះអន្លង់នាង ដោយទៅតែម្នាក់ឯងទេ រួចហើយគិតថា ដើរបង្ហួសទៅលេងផ្ទះកូន ។
ស្ត្រីជាភរិយាបន្តថា លុះដល់វេលាម៉ោងជាង៥ល្ងាចថ្ងៃដដែល មិនបានឃើញត្រឡប់មកផ្ទះទេ ពេលនោះគាត់ក៏បានដើររកមើល ស្រាប់តែឃើញគាត់លង់ទឹកស្រះខាងក្រោយផ្ទះស្លាប់បាត់ទៅហើយ ។ ឃើញដូច្នោះ គាត់ក៏បានរាយការណ៍ជូនសមត្ថកិច្ច ដើម្បីឲ្យបានដឹងពីហេតុការណ៍ប្តីគាត់លង់ទឹកស្លាប់ ។
បន្ទាប់មកសមត្តកិច្ចបានបង្កើតគណៈកម្មការ ស្រង់សាកសពប្តីគាត់ឡើងគោក និង ពិនិត្យសព្វគ្រប់ ឃើញថា ប្តីគាត់ពិតជាលង់ទឹកស្លាប់មែន ។ ក្រោយសមត្តកិច្ចពិនិត្យរួច គាត់និងកូនចៅក៏បានរៀបចំធ្វើបុណ្យតាមប្រពៃណី ។
ចែករំលែកព័តមាននេះ