រាជធានីភ្នំពេញ ៖ បុរសម្នាក់ស្រវឹងស្រាទោរទន់បាត់រថយន្តមិនដឹងគោលដៅច្បាស់ជិះម៉ូតូឌុបទៅប្តឹងសមត្ថកិច្ចនគរបាលប៉ុស្តិ៍ចោមចៅ៣កាលពីវេលាម៉ោង៤ទៀបភ្លឺ ថ្ងៃទី១០ ខែសីហា ឆ្នាំ២០១៨ នៅម្តុំវង្វងមូលចោមចៅ ខណ្ឌពោធិ៍សែនជ័យ ។
ជនរងគ្រោះជាម្ចាស់រថយន្តមានឈ្មោះ សឹម វុធី ភេទប្រុស អាយុ៣៧ឆ្នាំ មុខរបរកសិករ និង លក់សាច់គោអាំង រស់នៅភូមិច្រេស សង្កាត់គោគរកា ខណ្ឌព្រែកព្នៅ ។ រថយន្តដែលបាត់ម៉ាក ឡិចស៊ីស RX-300 ពណ៌កាំមៃ ពាក់ស្លាកលេខ ភ្នំពេញ 2AE-3807 ។
តាមប្រភពព័ត៌មានពីជនរងគ្រោះបាននិយាយាថា នៅមុនពេលកើតហេតុនៅពេលល្ងាចរូបគាត់បានបើករថយន្តខាងលើទៅផឹកស៊ីជាមួយបងប្អូននៅភូមិជ្រៃកោង លុះផឹកស៊ីស្រវឹងគាត់បានត្រឡប់មកវិញមកដល់នៅម្តុំផ្សារចោមចៅគាត់បានចុះទៅទិញទឹកហូបដោយសារតែស្រវឹងខ្លាំងពេកបានដេកលង់លក់រហូតដឹងខ្លួនវិញស្រាប់តែដេកនៅលើតូបលក់ខោអាវជជុះជាប់ផ្លូវវេងស្រេងដោយមិនឃើញរថយន្ត និងហោប៉ៅរបស់គាត់ត្រូវជនសង្ស័យវះហោប៉ៅយកកាបូបលុយអស់ ហើយមិនដឹងមានលុយប៉ុន្មាននោះទេក៏បានជិះម៉ូតូឌុបទៅប្តឹងសមត្ថកិច្ចនៅប៉ុស្តិ៍នគរបាលរដ្ឋបាលចោមចៅ៣ដើម្បីអោយសមត្ថកិច្ចស៊ើបអង្កេតរថយន្តខាងលើ ។
ប្រភពព័ត៌មានពីសមត្ថកិច្ចបានអោយដឹងថា ខណៈទៅដល់ប៉ុស្តិ៍នគរបាលចោមចៅ៣ភ្លាមសមត្ថកិច្ចមិនទាន់ទទួលពាក្យបណ្តឹងទេ បានជូនជនរងគ្រោះទៅមើលកន្លែងកើតហេតុដើម្បីមើលទីតាំងខាងលើរួចត្រឡប់មកវិញសមត្ថកិច្ចមិនទាន់ទាំងសួរនាំផង ពេលឃើញអ្នកសារព័ត៌មានថតរូបភាពបែរជាម្ចាស់រថយន្តរត់ចេញពីសមត្ថកិច្ចវិញដោយនិយាយថា មិនប្តឹងសមត្ថកិច្ចក៏បានដែរ បាត់រថយន្តចោលក៏បានដែរ ហើយដើរចេញទៅបាត់ ៕
ចែករំលែកព័តមាននេះ