ខេត្តរតនគីរី ៖ បុរសម្នាក់កំពុងដេកលង់លក់ ស្រាប់តែប្រពន្ធមកហៅ ខឹងក៏យកកូនកាំបិតគប់ប្រពន្ធតែត្រូវចំកជើងខ្លួនឯង បណ្តាលឱ្យរងរបួសធ្ងន់ ហេតុការណ៍នេះបានកើតឡើងកាលពីវេលាម៉ោង៨និង២០នាទីព្រឹកថ្ងៃទី៧ ខែសីហា ឆ្នាំ២០១៨ ។…
ខេត្តរតនគីរី ៖ បុរសម្នាក់កំពុងដេកលង់លក់ ស្រាប់តែប្រពន្ធមកហៅ ខឹងក៏យកកូនកាំបិតគប់ប្រពន្ធតែត្រូវចំកជើងខ្លួនឯង បណ្តាលឱ្យរងរបួសធ្ងន់ ហេតុការណ៍នេះបានកើតឡើងកាលពីវេលាម៉ោង៨និង២០នាទីព្រឹកថ្ងៃទី៧ ខែសីហា ឆ្នាំ២០១៨ ។
តាមរបាយការណ៍ប៉ូលិសស្រុកបានឱ្យដឹងថា បុរសដែលត្រូវរបួសខាងលើឈ្មោះកោះ រោះ អាយុ៣៥ឆ្នាំ ជាជនជាតិព្រៅ មុខរបកសិករ រស់នៅភូមិតាបូក ឃុំតាវែងលើ ស្រុកតាវែង។
បើតាមសម្ដីរបស់បុរសរងគ្រោះខាងលើបានប្រាប់សមត្ថកិច្ចថា នៅមុនពេលកើតហេតុ គាត់ដេកលក់ ហើយប្រពន្ធបានមកហៅជាញឹកញាប់ពេក ខឹងប្រពន្ធបានយកកូនកាំបិតចិតបន្លែចុងស្រួចគប់ប្រពន្ធ ពេលគប់នោះស្រាប់តែកូនកាំបិតក៏ហោះទៅបុកជើងគ្រែក្បែរគាត់ដេក ហើយឡងមកត្រូវខ្លួនឯងចំកែងជើងខាងឆ្វេង បណ្ដាលឱ្យមុតជម្រៅមួយចង្អុលដៃ។
បុរសរងគ្រោះបានបន្ដទៀតថា គាត់គ្មានបំណងយកកូនកាំបិតគប់ប្រពន្ធទេ គាត់គ្រាន់តែគំរាមប្រពន្ធលេងតែប៉ុណ្ណោះ ក្រោយពេលកើតហេតុ បុរសរងគ្រោះត្រូវបានបងប្អូន និងប្រពន្ធដឹកយកទៅព្យាបាលនៅមណ្ឌលសុខភាពតាវែង។ ពេលបញ្ជូនបុរសរងគ្រោះខាងលើទៅដល់មណ្ឌលសុខភាពតាវែង ពេទ្យបាននិយាយថា សំណាងហើយមិនដាច់សរសៃកែងជើង បើដាច់សរសៃកែងជើងវិញ ពិតជាពិបាកតភ្ជាប់ណាស់ ។
ក្រោយពេលកើតហេតុ សមត្ថកិច្ចបានធ្វើការណែនាំ និងអប់រំប្តីប្រពន្ធទាំងពីរនាក់ខាងលើ នឹងឱ្យត្រឡប់ទៅវិញផងដែរ ៕
ចែករំលែកព័តមាននេះ