ខេត្តកំពង់ចាម ៖ កម្ពស់ទឹកទន្លេមេគង្គបានហក់ឡើងសាជាថ្មីទៀតហើយនៅថ្ងៃទី៧ សីហា ២០១៨កាន់តែកៀកកំរិតឲ្យប្រុងប្រយ័ត្ន១៥,២០ម៉ែត្រ ។ ជាមួយនោះគេបានឃើញសាលាបឋមសិក្សា-អនុវិទ្យាល័យគៀនជ្រៃ ក្នុងឃុំគៀនជ្រៃ ស្រុកកំពង់សៀម ត្រូវបានទឹកទន្លេឡើងបណ្តាលឱ្យជន់លិច…
ខេត្តកំពង់ចាម ៖ កម្ពស់ទឹកទន្លេមេគង្គបានហក់ឡើងសាជាថ្មីទៀតហើយនៅថ្ងៃទី៧ សីហា ២០១៨កាន់តែកៀកកំរិតឲ្យប្រុងប្រយ័ត្ន១៥,២០ម៉ែត្រ ។ ជាមួយនោះគេបានឃើញសាលាបឋមសិក្សា-អនុវិទ្យាល័យគៀនជ្រៃ ក្នុងឃុំគៀនជ្រៃ ស្រុកកំពង់សៀម ត្រូវបានទឹកទន្លេឡើងបណ្តាលឱ្យជន់លិច តែទោះបីជាយ៉ាង
ណាក៏ដោយ ការប្រឡងមធ្យមសិក្សាបឋមភូមិបានប្រព្រឹត្តទៅដោយរលូន ស្របតាមការណែនាំរបស់ក្រសួងអប់រំយុវជននិងកីឡាថែមទៀតផង។
បើយោងតាមរបាយការណ៏របស់លោក ឃន ប្រុស ប្រធានគណៈកម្មាធិការគ្រប់គ្រងគ្រោះមហន្តរាយ
ខេត្តគិតត្រឹមល្ងាចថ្ងៃទី៦ សីហា ២០១៨ ទឹកទន្លេមេគង្គបានធ្វើឲ្យប៉ះពាល់ស្រុក-ក្រុងចំនួន៩ ក្នុងនោះ
មានដូចជា ក្រុងកំពង់ចាម កោះសូទិន ស្ទឹងត្រង់ ស្រីសន្ធរ កំពង់សៀម ជើងព្រៃ កងមាស បាធាយ និងព្រៃឈរ ពលរដ្ឋជម្លៀសមកទួលសុវត្ថិភាពមានចំនួន៦៣២គ្រួសារ បណ្តាលឲ្យស្លាប់ដោយលង់ទឹកចំនួន៦នាក់ លិចដំណាំផ្សេងៗចំនួន១.៥១៥ហិកតាផងដែរ ។
លោកគ្រូ ម៉ៅ អុល នៅអនុវិទ្យាល័យគៀនជ្រៃ វិញប្រាប់ថា ក្នុងបរិវេណសាលាត្រូវបានទឹកទន្លេបាន
ហក់ឡើងបណ្តាលឱ្យជន់លិច ដោយសិស្សមិនអាចរៀនកើតនោះទេ តែនៅព្រឹកថ្ងៃទី៧ សីហា ២០១៨
សិស្សរៀនថ្នាក់ទី៩ទាំងអស់ត្រូវប្រឡងសញ្ញាប័ត្រមធ្យមសិក្សាបឋមភូមិ បានប្រព្រឹត្តទៅដោយរលូន ខណៈសិស្សមួយចំនួនដែលភូមិឆ្ងាយ ត្រូវជិះទូកឆ្លងមកប្រឡង ជាមួយនោះក៏មានក្តីព្រួយបារម្ភខ្លាចខ្យល់បក់បោកផងដែរ ៕
ចែករំលែកព័តមាននេះ