ខេត្តស្វាយរៀង ៖ បុរសម្នាក់ត្រូវបានសមត្ថកិច្ចនៃអធិការដ្ឋាននគរបាល ក្រុងបាវិតធ្វើការឃាត់ខ្លួនក្រោយពីធ្វើសកម្មភាពលួចកាច់សោ.កម៉ូតូរបស់គេ តែត្រូវម្ចាស់គេទាន់ប្តឹងសមត្ថកិច្ចក្របួចវាយខ្នោះតែម្តង ។ ហេតុការណ៍នេះបានកើតឡើងកាលពីថ្ងៃទី៤ ខែសីហា ឆ្នាំ២០១៨ វេលាម៉ោង៩និង១០នាទីព្រឹក…
ខេត្តស្វាយរៀង ៖ បុរសម្នាក់ត្រូវបានសមត្ថកិច្ចនៃអធិការដ្ឋាននគរបាល ក្រុងបាវិតធ្វើការឃាត់ខ្លួនក្រោយពីធ្វើសកម្មភាពលួចកាច់សោ.កម៉ូតូរបស់គេ តែត្រូវម្ចាស់គេទាន់ប្តឹងសមត្ថកិច្ចក្របួចវាយខ្នោះតែម្តង ។ ហេតុការណ៍នេះបានកើតឡើងកាលពីថ្ងៃទី៤ ខែសីហា ឆ្នាំ២០១៨ វេលាម៉ោង៩និង១០នាទីព្រឹក នៅចំណុចវាលស្រែ ស្ថិតក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀង ។
សមត្ថកិច្ចបានឱ្យដឹងថា ជនសង្ស័យម្នាក់ខាងលើឈ្មោះ ឡុង ឃ្លោក ភេទប្រុស អាយុ២៨ឆ្នាំ មុខរបរកម្មករសំណង់ មានទីលំនៅភូមិពោធិតារស់ ឃុំបាសាក់ ស្រុកស្វាយជ្រុំ ខេត្តស្វាយរៀង បានធ្វើសកម្មភាពកាច់សោ.កម៉ូតូមួយគ្រឿងម៉ាកស៊ីរួត ពណ៌ក្រហមលាយខ្មៅ គ្មានស្លាកលេខរបស់ជនរងគ្រោះឈ្មោះ ភោក ស៊ី ភេទប្រុស អាយុ៥៦ឆ្នាំ មុខរបរកសិករ មានទីលំនៅក្នុងភូមិបាវិតលើ សង្កាត់បាវិត ក្រុងបាវិត ។
តាមប្រភពព័ត៌មានបានបន្តថា ក្រោយធ្វើសកម្មភាពរួច ជនសង្ស័យ ត្រូវបានម្ចាស់ម៉ូតូឃើញ ទាន់ ហើយក៍ទូរសព្ទ័ប្តឹងមកសមត្ថកិច្ចដើម្បីជួយអន្តរាគមន៍ ហើយសមត្ថកិច្ចបានចាត់កម្លាំងស្ទាក់ចាប់ និងឃាត់ខ្លួនជនសង្ស័យបានតែម្តង ។ បន្ទាប់មកជនសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ននៅនគរបាល ប៉ុស្តិ៍រដ្ឋបាលសង្កាត់បាវិត ដើម្បីបំពេញសំណុំរឿងបញ្ជូនទៅកាន់ការិយាល័យជំនាញខេត្តចាត់ការបន្តនៅថ្ងៃទី៥ សីហា ឆ្នាំ២០១៨នេះ និងបានបញ្ជូនទៅសាលាដំបូងខេត្តស្វាយរៀងចាត់ការតាមនីតិវិធី ៕
ចែករំលែកព័តមាននេះ