ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា ចោរមួយក្រុម តែគេមិនដឹងមានប៉ុន្មាននោះទេ បានធើ្វសកម្មភាពគាស់បង្អួចដាក់កង្ហារបូមខ្យល់ ចូលលួចយកទូដែកបាត់ កាលពីយប់ថ្ងៃទី០៣ សីហា ស្ថិតនៅរោងចក្រដេរកាបូបមួយកន្លែង…
ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា ចោរមួយក្រុម តែគេមិនដឹងមានប៉ុន្មាននោះទេ បានធើ្វសកម្មភាពគាស់បង្អួចដាក់កង្ហារបូមខ្យល់ ចូលលួចយកទូដែកបាត់ កាលពីយប់ថ្ងៃទី០៣ សីហា ស្ថិតនៅរោងចក្រដេរកាបូបមួយកន្លែង ក្នុងភូមិភ្នៅ ឃុំត្រពាំងគង ស្រុកសំរោងទង ។
សេចក្តីរាយការណ៍បន្តថា ទូដែកដែលបាត់នោះ ត្រូវចោរលើកយកចេញពីក្រោមតុធ្វើការរបស់ថៅកែ ហើយបានយកទូដែកនោះ មកគាស់កកាយយកសម្ភារនៅក្នុងព្រៃខាងត្បូង ឈៀងខាងលិចរោងចក្រ មានចម្ងាយប្រមាណ២០០មែ៉ត្រ ។
ប្រភពបន្តថា ចំពោះសម្ភារដែលបាត់បង់ គឺមានកុំព្យូទ័រ២គ្រឿង និងសម្ភារក្នុងទូដែក គឺនៅមិនទាន់ដឹងមានអ្វីខ្លះនោះទេ ព្រោះរង់ចាំថៅកែត្រឡប់មកពីហុងកុងវិញសិន ទើបដឹងច្បាស់ ។
គួរបញ្ជាក់ថា នៅរោងចក្រខាងលើ គឺមានសន្តិសុខយាមពេលយប់ចំនួន៤នាក់ ពីខាងក្រុមហ៊ុន «ធីភីអែស»។
បច្ចុប្បន្ន សមត្ថកិច្ចជំនាញកំពុងបន្តស្រាវជ្រាវហើយ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ