រាជធានីភ្នំពេញ ៖ ស្ត្រីជើងខ្លាំងដែលជាមុខសញ្ញាជូញដូរគ្រឿងញៀនយ៉ាងសកម្មចំនួន២នាក់ ត្រូវបានកម្លាំងសមត្ថកិច្ចឃាត់ខ្លួនបានជាបន្តបន្ទាប់ និងដកហូតថ្នាំញៀនបានរហូតទៅដល់ចំនួន៧៥កញ្ចប់ឯណោះ ខណៈដែលពួកនាងកំពុងតែនាំគ្នាឈរចែកចាយនៅតាមផ្លូវរថភ្លើង ក៏ជួបកម្លាំងល្បាតតែម្តង ។ ការបង្ក្រាបនេះធ្វើឡើងនៅម៉ោង១១និង១៥នាទីព្រឹក ថ្ងៃទី០៣…
រាជធានីភ្នំពេញ ៖ ស្ត្រីជើងខ្លាំងដែលជាមុខសញ្ញាជូញដូរគ្រឿងញៀនយ៉ាងសកម្មចំនួន២នាក់ ត្រូវបានកម្លាំងសមត្ថកិច្ចឃាត់ខ្លួនបានជាបន្តបន្ទាប់ និងដកហូតថ្នាំញៀនបានរហូតទៅដល់ចំនួន៧៥កញ្ចប់ឯណោះ ខណៈដែលពួកនាងកំពុងតែនាំគ្នាឈរចែកចាយនៅតាមផ្លូវរថភ្លើង ក៏ជួបកម្លាំងល្បាតតែម្តង ។ ការបង្ក្រាបនេះធ្វើឡើងនៅម៉ោង១១និង១៥នាទីព្រឹក ថ្ងៃទី០៣ ខែសីហា ឆ្នាំ២០១៨ នៅតាមបណ្តោយផ្លូវរថយភ្លើង R6 ស្ថិតក្នុងសង្កាត់ស្រះចក ខណ្ឌដូនេពេញ។
តាមប្រភពពីនគរបាលប្រាប់ឱ្យដឹងថា ស្ត្រីទាំង២នាក់ខាងលើនេះ ១-ឈ្មោះ ខ្លុយ ស្រីអូន អាយុ៣៥ឆ្នាំ មុខរបរនិងទីលំនៅមិនពិតប្រាកដ មានស្រុកកំណើតនៅភូមិទួលបី ឃុំរាយប៉ាយ ខេត្តកំពង់ចាម ដោយដកហូតបានថ្នាំញៀនចំនួន៧០កញ្ចប់តូច និង២-ឈ្មោះ វី ចាន់ធី អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងសង្កាត់ផ្សារដេប៉ូ៣ ខណ្ឌទួលគោក មានស្រុកកំណើតនៅស្រុកកោះធំ ខេត្តកណ្តាល ដកហូតបានថ្នាំញៀនចំនួន៥កញ្ចប់តូច។
ប្រភពដដែលប្រាប់បន្តទៀតថា មុនកើតហេតុកម្លាំងនគរបាលប៉ុស្តិ៍ស្រះចកបាននាំគ្នាចេញដើរល្បាតក្នុងភូមិសាស្ត្រដូចសព្វមួយដង លុះដល់ចំណុចខាងលើក៏ប្រទះឃើញស្ត្រីជាជនសង្ស័យទាំង២នាក់កំពុងតែនៅឈរនៅលើផ្លូវរថយភ្លើងនៅមិនឆ្ងាយពីគ្នាប៉ុន្មាននោះ ដោយសង្ស័យកម្លាំងលោកក៏ហៅពួកនាងសួរនាំ ស្រាប់តែឆែកឃើញថ្នាំញៀនលាក់ទុកក្នុងខ្លួន រហូតទៅដល់៧៥កញ្ចប់តូចឯណ្ណោះ ក៏ធ្វើការចាប់ឃាត់ខ្លួនតែម្តង។
ក្រោយពេលឃាត់ខ្លួនស្ត្រីជាជនសង្ស័យជួញដូរគ្រឿងញៀនទាំង២នាក់ និងដកហូតថ្នាំញៀន ជាវត្ថុតាងរួចហើយ ក៏បាននាំពួកគេមកកាន់នគរបាលប៉ុស្តិ៍ស្រះចក ដើម្បីសាកសួរ និងធ្វើកំណត់ហេតុ បញ្ជូនទៅកាន់អធិការដ្ឋានខណ្ឌដូនពេញ ចាត់ការទៅតាមផ្លូវច្បាប់៕
ចែករំលែកព័តមាននេះ