ខេត្តប៉ៃលិន ៖ គ្រោះមហន្តរាយដោយខ្យល់កួចជាលើកទី២ បណ្តាលឱ្យលំនៅឋានប្រជាពលរដ្ឋចំនួន១៨ខ្នងប៉ើងរបើកដំបូល ក្នុងនោះខូចខាតធ្ងន់អស់ចំនួន៥ខ្នង និងស្រាលចំនួន១៣ខ្នង ។ ចំណែកសម្ភារខូចខាតមានម៉ូតូ១គ្រឿង និងគោយន្តកន្ត្រៃ១គ្រឿងដោយសារផ្ទះរលំសង្កត់លើ រីឯស្ត្រីចំណាស់ម្នាក់ និងយុវជនម្នាក់រងរបួសស្រាលដោយឈើធ្លាក់លើត្រូវជើងខាងឆ្វេងទាំងពីរនាក់។
ខេត្តប៉ៃលិន ៖ គ្រោះមហន្តរាយដោយខ្យល់កួចជាលើកទី២ បណ្តាលឱ្យលំនៅឋានប្រជាពលរដ្ឋចំនួន១៨ខ្នងប៉ើងរបើកដំបូល ក្នុងនោះខូចខាតធ្ងន់អស់ចំនួន៥ខ្នង និងស្រាលចំនួន១៣ខ្នង ។ ចំណែកសម្ភារខូចខាតមានម៉ូតូ១គ្រឿង និងគោយន្តកន្ត្រៃ១គ្រឿងដោយសារផ្ទះរលំសង្កត់លើ រីឯស្ត្រីចំណាស់ម្នាក់ និងយុវជនម្នាក់រងរបួសស្រាលដោយឈើធ្លាក់លើត្រូវជើងខាងឆ្វេងទាំងពីរនាក់។
ហេតុការណ៍ខ្យល់កួចនេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី៣១ មីនា នៅចំណុចស្រុងមានជ័យក្នុងភូមិក្ងោក ឃុំស្ទឹងកាច់ ស្រុកសាលាក្រៅ។ អ្នករងគ្រោះម្នាក់ឈ្មោះ ទី វុទ្ធី ភេទប្រុស អាយុ១៦ឆ្នាំ និងម្នាក់ទៀតឈ្មោះ ប្រាក់ យឿន ភេទស្រី អាយុ៧៩ឆ្នាំ ។ សូមរំឭកថា កាលពីកន្លះខែមុននៅស្រុកសាលាក្រៅ ផ្ទះប្រជាពលរដ្ឋជាច្រើនខ្នងបានប៉ើងដំបូលរងការខូចខាតដោយខ្យល់កួច ហើយយុវជនម្នាក់ និងស្ត្រីម្នាក់បានស្លាប់បាត់បង់ជីវិតដោយសាររន្ទះបាញ់ជាបន្តបន្ទាប់ ។
ប្រភពព័ត៌មានពីលោកប៉ន ឆន អាយុ៣៩ឆ្នាំ អ្នកធ្វើការងារស្ម័គ្រចិត្តនៅក្នុងភូមិក្ងោករៀបរាប់ថា នៅវេលាម៉ោង២និង៣០នាទីរសៀលថ្ងៃទី៣១ មីនានោះមានភ្លៀងធ្លាក់មួយមេយ៉ាងធំលាយឡំទៅដោយខ្យល់បោកបក់យ៉ាងខ្លាំងក្នុងទិសដៅពីលិចទៅកើត ព្រមទាំងនាំមកជាមួយនូវព្រិលទឹកកកមិនធ្លាប់មានផងដែរ ។ ខ្យល់កួចដ៏កំណាចនេះបានធ្វើឱ្យផ្ទះប្រជាពលរដ្ឋ១៨ខ្នងរងការខូចខាត តែសំណាងល្អមនុស្សនៅក្នុងផ្ទះចំនួន៥ទៅ៦នាក់អត់រងគ្រោះថ្នាក់ទេពេលខ្យល់បោកបក់នោះ។
ប្រភពបន្តទៀតថា ខណៈកំពុងមានភ្លៀង នៅផ្ទះក្បែរៗគ្នានោះដែរមនុស្សពីរនាក់ត្រូវឈើប៉ើងធ្លាក់ត្រូវជើងខាងឆ្វេង ។នៅព្រឹកថ្ងៃទី១ មេសា គេឃើញលោកសូ កង នាយកសាខាកាកបាទក្រហមកម្ពុជាខេត្តចុះទៅពិនិត្យមើល និងសួរសុខទុក្ខប្រជាពលរដ្ឋដែលទទួលរងការប៉ះពាល់ទាំងនេះ ៕
ចែករំលែកព័តមាននេះ