រាជធានីភ្នំពេញ ៖ បុរសម្នាក់បានរលាត់ដៃជើងចេញឈាមរងរបួសស្រាលដោយសារតែបុរសម្នាក់បានបើករថយន្តស៊េរីទំនើបមួយគ្រឿងចេញពីហាងកាហ្វេមួយកន្លែង ជាន់ហ្គាច្រឡំស្មានតែហ្វ្រាំង បោះពួយទៅបុករះរថយន្តមួយគ្រឿង និងម៉ូតូហុងដាC125 មួយគ្រឿងទៀតជាបន្តបន្ទាប់ ហេតុការនេះដែរបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី២៤ ខែកក្កដា ឆ្នាំ២០១៨…
រាជធានីភ្នំពេញ ៖ បុរសម្នាក់បានរលាត់ដៃជើងចេញឈាមរងរបួសស្រាលដោយសារតែបុរសម្នាក់បានបើករថយន្តស៊េរីទំនើបមួយគ្រឿងចេញពីហាងកាហ្វេមួយកន្លែង ជាន់ហ្គាច្រឡំស្មានតែហ្វ្រាំង បោះពួយទៅបុករះរថយន្តមួយគ្រឿង និងម៉ូតូហុងដាC125 មួយគ្រឿងទៀតជាបន្តបន្ទាប់ ហេតុការនេះដែរបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី២៤ ខែកក្កដា ឆ្នាំ២០១៨ នៅចំណុចខាងមុខផ្ទះលេខ P-01 ក្នុងសង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីនគរបាលបានប្រាប់ឱ្យដដឹងថា មុនពេលកើតហេតុគេបានឃើញរថយន្តស៊េរីទំនើប ពណ៌ស ពាក់ស្លាកលេខភ្នំពេញ២AQ-០៦៨៩មួយគ្រឿង ដែលបើកបរដោយបុរសម្នាក់ចេញពីហាងកាហ្វេមួយកន្លែង ក្នុងទិសដៅពីត្បូងទៅជើងចូលមកផ្សារសុវណ្ណា ។ ពេលនោះដោយមិនដឹងជា ហេតុអ្វីក៏ស្រាប់តែរថយន្តស៊េរីទំនើបមួយគ្រឿងខាងលើបោះពួយក្នុងល្បឿនយ៉ាងលឿនទៅបុករះរថយន្ត ពាក់ស្លាកលេខភ្នំពេញ ២F-៥០៤២ និងម៉ូតូម៉ាកហុងដា C125 ពណ៌ខ្មៅ ពាក់ស្លាកលេខភ្នំពេញ ១BL-០៤១០ មួយគ្រឿងទៀត ។ ដែលធ្វើដំណើរបញ្ច្រាសទិសគ្នាចំពីមុខពេញទំហឹង បណ្តាលឲ្យបុរសម្នាក់ក្នុងចំណោមគ្នា២នាក់ដែលជិះម៉ូតូដួលរលាត់ដៃជើងចេញឈាមរងរបួសស្រាល ហើយរថយន្តខាងលើក្រពឹតផ្នែកខាងមុខ និងម៉ូតូបាក់ក្បាំង ចំណែកឯរថយន្តនោះក៏ក្រពឹតផ្នែកខាងមុខរងការខូចខាតខ្លួនឯងយ៉ាងដំណំផងដែរ ។
តាមប្រភពដដែលបានប្របាប់បន្តទៀតថា ពាក់ព័ន្ធទៅនឹងករណីរថយន្តស៊េរីទំនើបមួយគ្រឿង ធ្វើការបុករះជាបន្តបន្ទាប់ និងបណ្តាលឲ្យបុរសម្នាក់រងរបួសស្រាលនេះដែរទំនងជាកើតឡើងដោយសារតែបុរសអ្នកបើកបររថយន្តបង្កជាន់ហ្គាច្រឡំស្មានតែហ្វ្រាំង ទើបធ្វើឲ្យរថយន្តស្ទុះទៅបុកគេឯងយ៉ាងកម្រោលបែបនេះ ។
ក្រោយពេលកើតហេតុបុរសរងគ្រោះត្រូវបានគេបញ្ជូនយកទៅធ្វើការព្យាបាលនៅក្នុងគ្លីនិកឯកជនមួយ ដែលនៅក្បែរនោះ ហើយកម្លាំងមានសមត្ថកិច្ចមូលដ្ឋានក៏បានចុះទៅដល់កន្លែងកើតហេតុ ដោយសារតែមិនចង់ឲ្យមានរឿងវែងឆ្ងាយ និងដឹងអំពីកំហុសរបស់ខ្លួននោះ ភាគីខាងរថយន្តម៉ាកបង្កយល់ព្រមចេញថ្លៃព្យាបាលទៅដល់បុរសរងគ្រោះ និងយករថយន្ត និងម៉ូតូម៉ាកហុងដា C125 ដែលរងការខូចខាតទៅធ្វើការជួសជុលឲ្យដើម្បីបញ្ចប់រឿងនៅនឹងកន្លែង កើតហេតុភ្លាមៗផងដែរ ៕
ចែករំលែកព័តមាននេះ