រាជធានីភ្នំពេញ ៖ ក្រុមសារព័ត៌មានបានជួបជុំគ្នាលើកឡើងពីព័ត៌មានក្លែងបន្លំ ឬព័ត៌មានមិនពិត ខណៈពេលដែលការបោះឆ្នោតជ្រើសតាំងតំណាងរាស្ត្រ នីតិកាលទី៦ ជិតចូលមកដល់ក្រុមអ្នកសារព័ត៌មានជាតិ អន្តរជាតិ មន្ត្រីក្រសួងព័ត៌មាន និងមន្ត្រីគណៈកម្មការធិការជាតិរៀបចំការបោះឆ្នោតកាលពីថ្ងៃទី២៣ ខែកក្កដា ឆ្នាំ២០១៨បានបើកវេទិកាពិភាក្សាពិសេសស្តីពី «ព័ត៌មានក្លែងបន្លំ និងការបោះឆ្នោតជាតិ ខែកក្កដា ឆ្នាំ២០១៨» ដោយពិធីនេះបានធ្វើឡើងនៅភោជនីយដ្ឋានទន្លេបាសាក់ ។
លោក ប៉ែន ប៊ុណា ប្រធានក្លឹមអ្នកកាសែតកម្ពុជាបានលើកឡើងថា នៅប្រទេសមួយចំនួនដូចជាប្រទេសថៃ ចិន ជាដើមគេក៏បានលើកឡើងពីបញ្ហាដូចដែលក្រុមអ្នកសារព័ត៌មានកម្ពុជា គ.ជ.ប និងក្រសួងព័ត៌មានបានលើកប្រធានបទស្តីពីព័ត៌មានក្លែងបន្លំ និងការបោះឆ្នោតនេះដែរ ។
តែសម្រាប់ប្រទេសកម្ពុជាយើងវិញកិច្ចពិភាក្សានេះរៀបចំឡើងមួយសប្តាហ៍មុនពេលបោះឆ្នោតជាតិដែលនឹងប្រព្រឹត្តទៅនៅថ្ងៃទី២៩ ខែកក្កដា ខាងមុខនេះ ។ លោកប្រធានក្លឹបអ្នកកាសែតកម្ពុជាបានអះអាងថា ៖«ព័ត៌មានក្លែងបន្លំនេះកំពុងក្លាយជាព័ត៌មានក្តៅសម្រាប់ពិភពលោក» ៕
ចែករំលែកព័តមាននេះ