រាជធានីភ្នំពេញ ៖ បង្គោលភ្លើងដែក១ដើម បានដួលរលំធ្លាក់ខ្សែភ្លើងមកដីជាច្រើនថ្ងៃមកហើយ ប៉ុន្តែគ្មាននរណាម្នាក់បានគិតគូរ និងរាយការណ៍ហៅឱ្យមន្ត្រីជំនាញអគ្គិសនីបានដឹងទេ ដោយទុករហូតមកមានសត្វមេក្របី១ក្បាល ដែលម្ចាស់ដឹកយកទៅចងឱ្យស៊ីស្មៅនៅទីនោះ ដើរជាន់ប៉ះចំខ្សែភ្លើង ក៏បណ្ដាលឱ្យឆក់ងាប់ភ្លាមៗមួយរំពេច…
រាជធានីភ្នំពេញ ៖ បង្គោលភ្លើងដែក១ដើម បានដួលរលំធ្លាក់ខ្សែភ្លើងមកដីជាច្រើនថ្ងៃមកហើយ ប៉ុន្តែគ្មាននរណាម្នាក់បានគិតគូរ និងរាយការណ៍ហៅឱ្យមន្ត្រីជំនាញអគ្គិសនីបានដឹងទេ ដោយទុករហូតមកមានសត្វមេក្របី១ក្បាល ដែលម្ចាស់ដឹកយកទៅចងឱ្យស៊ីស្មៅនៅទីនោះ ដើរជាន់ប៉ះចំខ្សែភ្លើង ក៏បណ្ដាលឱ្យឆក់ងាប់ភ្លាមៗមួយរំពេច ។
ហេតុការណ៍នេះ បានកើតឡើងកាលពីវេលាម៉ោង១០ព្រឹកថ្ងៃទី១៩ កក្កដា ស្ថិតក្នុងភូមិកាកាប១ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពឱ្យដឹងថា បង្គោលដែកនោះ មានទំហំប៉ុនកំភួនដៃមនុស្សចាស់ ដែលជាបង្គោលភ្លើងបំបែកចេញពីកាប៊ីនបង្គោលភ្លើងធំ ចូលទៅកាន់ផ្ទះអ្នកភូមិ ។ ប៉ុន្តែបានដួលរលំយូរថ្ងៃមកហើយ ដោយសារខ្យល់កន្ត្រាក់ និងបានបណ្ដាលឱ្យធ្លាក់ខ្សែភ្លើង២ខ្សែមកដី ។
ប្រភពបន្តថា មិនមាននរណាមកអើពើគិតគូរ ដើម្បីដាក់លើកបញ្ឈរឡើងវិញ គឺទុករហូតឆក់មេក្របី១ក្បាលខាងលើងាប់បែបនេះ ។ នេះចាត់ទុកជាសំណាងខ្លាំងណាស់ដែរ ព្រោះឆក់សត្វក្របី បើប៉ះមនុស្សវិញ មិនដឹងទៅជាយ៉ាងណាទេ ។
ចែករំលែកព័តមាននេះ