រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានដឹកជញ្ជូនសម្ភារសម្រាប់បម្រើការងារបោះឆ្នោតជ្រើសតាំងអ្នកតំណាងរាស្ត្របានទៅដល់ខេត្តចំនួន១១ហើយគិតត្រឹមថ្ងៃទី១៨ កក្កដា ។ នេះបើតាមសេចក្តីប្រកាសព័ត៌មាន គ.ជ.ប ។…
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានដឹកជញ្ជូនសម្ភារសម្រាប់បម្រើការងារបោះឆ្នោតជ្រើសតាំងអ្នកតំណាងរាស្ត្របានទៅដល់ខេត្តចំនួន១១ហើយគិតត្រឹមថ្ងៃទី១៨ កក្កដា ។ នេះបើតាមសេចក្តីប្រកាសព័ត៌មាន គ.ជ.ប ។
សេចក្តីប្រកាសព័ត៌មានរបស់ គ.ជ.ប ចេញផ្សាយនៅថ្ងៃទី១៨ ខែកក្កដា ឆ្នាំ២០១៨ បានឲ្យដឹងថា សម្ភារសំខាន់ៗចំនួន៤មុខ រួមមាន សន្លឹកឆ្នោត បញ្ជីបោះឆ្នោត ទឹកខ្មៅ លុបលាងមិនជម្រះ និងត្រាសម្ងាត់ បានដឹកទៅដល់គោលដៅហើយកាលពីល្ងាចថ្ងៃទី១៧ ខែកក្កដា ឆ្នាំ២០១៨ កន្លងមកនេះ ។
លោក ហ៊ឺ រ៉ុង ទីប្រឹក្សា គ.ជ.ប និងជាប្រធាននាយកដ្ឋានប្រតិបត្តិការបានឲ្យដឹងក្នុងសេចក្តីប្រកាសព័ត៌មានថា សម្ភារសំខាន់ៗចំនួន៤មុខ យើងបានដឹកជញ្ជូនទៅខេត្តចំនួន១១ ហើយនៅថ្ងៃទី១៧ ខែកក្កដា ឆ្នាំ២០១៨ រួមមានខេត្តកំពង់ស្ពឺ, ព្រះសីហនុ, កោះកុង, កណ្តាល, តាកែវ, កំពត,កែប, កំពង់ចាម, ត្បូងឃ្មុំ, ព្រៃវែង និងស្វាយរៀង ។
លោកក៏បានបញ្ជាក់ថា លើកទី២យើងនឹងដឹកសម្ភារទាំងនេះចេញពីឃ្លាំង គ.ជ.ប ទៅខេត្តចំនួន១៣ទៀតនៅថ្ងៃទី១៩ កក្កដា រួមមានខេត្តក្រចេះ, ស្ទឹងត្រែង, រតនគិរី, មណ្ឌលគិរី, កំពង់ឆ្នាំង, ពោធិ៍សាត់, បាត់ដំបង, ប៉ៃលិន, បន្ទាយមានជ័យ, កំពង់ធំ, ព្រះវិហារ, ឧត្តរមានជ័យ និងខេត្តសៀមរាប រីឯរាជធានីភ្នំពេញដឹកចេញនៅថ្ងៃទី២០ ខែកក្កដា ឆ្នាំ២០១៨ ជាថ្ងៃបញ្ចប់នៃការដឹកជញ្ជូន ៕
ចែករំលែកព័តមាននេះ