ខេត្តស្ទឹងត្រែង ៖ អាគារសាងសង់ពីបេតុងមានកម្ពស់រហូតបីជាន់ប្រក់ក្បឿងជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចគតិព្រឹត្តបណ្ឌិតប៊ុន រ៉ានី នឹងដាក់ឲ្យប្រើប្រាស់ជាផ្លូវការ ក្រោយដំណើរការសាងសង់របស់កម្លាំងកងវិស្វកម្មត្រូវបានបញ្ចប់នាពេលខាងមុខ…
ខេត្តស្ទឹងត្រែង ៖ អាគារសាងសង់ពីបេតុងមានកម្ពស់រហូតបីជាន់ប្រក់ក្បឿងជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចគតិព្រឹត្តបណ្ឌិតប៊ុន រ៉ានី នឹងដាក់ឲ្យប្រើប្រាស់ជាផ្លូវការ ក្រោយដំណើរការសាងសង់របស់កម្លាំងកងវិស្វកម្មត្រូវបានបញ្ចប់នាពេលខាងមុខ ។
ដោយសារប្រទេសជាតិមានសុខសន្តិភាពប្រមុខរាជរដ្ឋាភិបាលដឹកនាំដោយសម្តេចការអភិវឌ្ឍហេដ្ឋារចនាសម្ព័ន្ធគ្រប់មូលដ្ឋានក្រុង ស្រុករីកដុះដាលបន្តបន្ទាប់ ។ ជាក់ស្តែងអាគារសាលាបេតុងមួយខ្នងមានកម្ពស់បីជាន់ស្មើ១៨បន្ទប់ ជំនួសអាគារឈើដំបូលពុក និងប្តូរពីអនុវិទ្យាល័យមកជាវិទ្យាល័យអូរពង់មាន់ ដោយក្នុងវិទ្យាល័យមួយនោះរួមមានថ្នាក់បឋមសិក្សា ថ្នាក់មធ្យោមសិក្សា និងថ្នាក់បាក់ឌុប ។
លោកសាត វិបុល នាយកសាលាអនុវិទ្យាល័យអូរពងមាន់បានលើកឡើងថា ដំបូងឡើយសម្តេចនាយករដ្ឋមន្ត្រីបានផ្តល់នូវអាគារសិក្សាត្រឹមថ្នាក់អនុវិទ្យាល័យ ប៉ុន្តែក្រោយមកនេះសម្តេចបានផ្តល់អាគារសិក្សាថ្មីមួយខ្នងទៀត ធ្វើអំពីបេតុងកម្ពស់បីជាន់មាន១៨បន្ទប់ ប្រក់ដំបូលក្បឿង បង្កើតជាវិទ្យាល័យ ដើម្បីបាននៅជិតសិស្សធ្វើដំណើរមករៀនសូត្របានឆាប់ ហើយមានពេលវេលាជួយការងារឪពុកម្តាយនៅផ្ទះបានទៀត ។ លោកបន្តថា ប៉ុន្មានឆ្នាំចុងក្រោយនេះទាំងគ្រូទាំងសិស្សតែងមានការព្រួយបារម្ភនៅពេលព្យុះភ្លៀងម្តងៗ ព្រោះសាលារៀនចាស់ធ្វើពីឈើនោះពុកខូច ដំបូលលិចមិនធានាសុវត្ថិភាពសម្រាប់សិស្សរៀនទេ ។
លោក ពេជ្រ រ៉ាមី អភិបាលរងក្រុងស្ទឹងត្រែងបានបញ្ជាក់ថា កូនចៅប្រជាពលរដ្ឋយើងនៅតំបន់អូរពងមាន់នឹងបានមករៀនសូត្រស្រួលជាងមុននៅពេលទទួលអាគារសិក្សាមួយខ្នងបីជាន់១៨បន្ទប់ ជាចំណងដៃរបស់សម្តេចតេជោ ហ៊ុនសែន ប្រមុខរាជរដ្ឋាភិបាលសាងសង់រួចរាល់ នៅចុងឆ្នាំនេះហើយនឹងបង្កើតទៅជាវិទ្យាល័យតែម្តង ។ លោកបញ្ជាក់បន្ថែមថាសាលារៀនថ្មីពិតជាបានជួយលើកកម្ពស់លើផ្នែកវិស័យអប់រំដល់ទីជនបទសមតាមគោលនយោបាយរបស់រាជរដ្ឋាភិបាល គឺសាងសង់សាលារៀនឱ្យមាននៅជិតផ្ទះបងប្អូនប្រជាពលរដ្ឋងាយស្រួលបានរៀនសូត្រមិនបាច់ទៅរៀនឆ្ងាយពីផ្ទះនាំឱ្យចំណាយថវិកាច្រើន ។
អ្នកគ្រូស្រីសា រិនចន្ទី គ្រូបង្រៀននៅថ្នាក់ទី៦ .ក ក្នុងសាលានេះបានបញ្ជាក់ថា មានការអំពាវនាវសូមឱ្យពុកម៉ែបងប្អូនជួយដាស់តឿនកូនចៅបន្ថែម ដើម្បីបានមករៀនទៀងទាត់ឱ្យសមនឹងយើងមានសាលាថ្មី ចំណេះដឹងថ្មី កូនចៅក្លាយជា(សិស្សល្អ-កូនល្អ-ប្រជាពលរដ្ឋល្អ)-ធ្វើឱ្យសង្គមគ្រួសារនឹងសង្គមជាតិរីកចម្រើនទៅបាន ។
សូមបញ្ចាក់ថា សាលាវិទ្យល័យអូរពងមាន់នេះមួយខ្នងបីជាន់១៨បន្ទប់ ស្ថិតនៅចំណុចប្រសព្វមុំ៣ ក្រចេះ- ស្ទឹងត្រែង- រតនគីរី -ក្នុងភូមិរាជានុកូលសង្កាត់-ក្រុង ខេត្តស្ទឹងត្រែង ៕
ចែករំលែកព័តមាននេះ