យ៉ាងហោចណាស់មានមនុស្ស២នាក់ស្លាប់ និងជាង៥០០នាក់ផ្សេងទៀតត្រូវបានចាប់ខ្លួននៅប្រទេសបារាំង អំឡុងពេលពួកគេអបអរសាទរជ្រុលហួសហេតុ ធ្វើឱ្យមានចលាចលពាសពេញផ្លូវ បាត់បង់សន្តិសុខ សណ្ដាប់ធ្នាប់សាធារណៈ បន្ទាប់ពីដឹងថា ក្រុមជម្រើសជាតិបារាំងឈ្នះពានរង្វាន់ World Cup…
យ៉ាងហោចណាស់មានមនុស្ស២នាក់ស្លាប់ និងជាង៥០០នាក់ផ្សេងទៀតត្រូវបានចាប់ខ្លួននៅប្រទេសបារាំង អំឡុងពេលពួកគេអបអរសាទរជ្រុលហួសហេតុ ធ្វើឱ្យមានចលាចលពាសពេញផ្លូវ បាត់បង់សន្តិសុខ សណ្ដាប់ធ្នាប់សាធារណៈ បន្ទាប់ពីដឹងថា ក្រុមជម្រើសជាតិបារាំងឈ្នះពានរង្វាន់ World Cup ជាលើកទី២ ។ នេះបើយោងតាមការចេញផ្សាយកាលពីថ្ងៃអង្គារម្សិលមិញ របស់គេហទំព័រ New York Daily News ។
ភាពសប្បាយរីករាយប្រែក្លាយជាសោកនាដកម្មនេះ បានកើតឡើងប៉ុន្មានម៉ោងប៉ុណ្ណោះនាល្ងាចថ្ងៃអាទិត្យកន្លងទៅ បន្ទាប់ពីក្រុមអ្នកគាំទ្រទូទាំងប្រទេស ធ្វើការអបអររហូតបាត់បង់ម្ចាស់ការ ធ្វើឱ្យជ្រួលច្របល់ពេញផ្លូវសាធារណៈ ។ ក្នុងប្រតិបត្តិការទប់ស្កាត់ និងចាប់ខ្លួនក្រុមជនបង្កខាងលើនេះ ត្រូវគេដឹងថា បានប្រើប្រាស់កម្លាំងសមត្ថកិច្ចចំនួន១០ម៉ឺននាក់ ។
ចំណែកកម្លាំងពន្លត់អគ្គិភ័យចំនួន៤៤ពាន់នាក់ក៏បានចេញប្រតិបត្តិការផងដែរ ក្នុងហេតុការណ៍បង្ក្រាបនេះ ខណៈរថយន្តជាង៨៤៥គ្រឿងរងការខូចខាត ។ ជាមួយគ្នានេះដែរ រថភ្លើងក្នុងទីក្រុង និងសេវាដឹកជញ្ជូនសាធារណៈផ្សេងៗ ត្រូវបានផ្អាកដំណើរការបណ្តោះអាសន្ន រង់ចាំស្ថានការណ៍ស្ងប់ស្ងាត់ឡើងវិញ ៕
ចែករំលែកព័តមាននេះ