ខេត្តបាត់ដំបង ៖ ប្រភពព័ត៌មានបានឱ្យដឹងថា បុរសម្នាក់ត្រូវប្រពន្ធប្ដឹងសមត្ថកិច្ចឱ្យឃាត់ខ្លួន កាលពីរសៀលថ្ងៃទី១៦ កក្កដា ស្ថិតនៅចំណុចភូមិឆាយបល្ល័ង្គ ឃុំធិបតី ស្រុកគាស់ក្រឡ ដោយសារតែរពឹសដៃទៅស្ទាបអង្អែលប្រដាប់ភេទកូនស្រីលេង…
ខេត្តបាត់ដំបង ៖ ប្រភពព័ត៌មានបានឱ្យដឹងថា បុរសម្នាក់ត្រូវប្រពន្ធប្ដឹងសមត្ថកិច្ចឱ្យឃាត់ខ្លួន កាលពីរសៀលថ្ងៃទី១៦ កក្កដា ស្ថិតនៅចំណុចភូមិឆាយបល្ល័ង្គ ឃុំធិបតី ស្រុកគាស់ក្រឡ ដោយសារតែរពឹសដៃទៅស្ទាបអង្អែលប្រដាប់ភេទកូនស្រីលេង (កូនចុង) ។
សមត្ថកិច្ចបានឱ្យដឹងទៀតថា ជនសង្ស័យខាងលើ ឈ្មោះយឹង ស អាយុ៤៧ឆ្នាំ (ត្រូវជាឳពុកចុង) ។ រីឯក្មេងស្រីរងគ្រោះអាយុ១៣ឆ្នាំ (កូនចុង) រស់នៅភូមិឆាយរំពាត់ ឃុំកន្ទឺ២ ស្រុកបាណន់ តែបានទៅស្នាក់ធ្វើកម្មករនៅចំណុចកើតហេតុ ។
បើតាមសមត្ថកិច្ចថា ជនអគតិរូបនេះបានស្ទាបប្រដាប់ភេទកូនស្រីក្នុងបំណងប៉ងរំលោភសេពសន្ថវ: តែគ្មានឱកាស ។ លុះពេលម្ដាយមកដល់ ទើបនាងនិយាយរឿងពីឪពុកចុងកំហូចនេះ ក៏ត្រូវម្ដាយទៅប្ដឹងសមត្ថកិច្ចឱ្យឃាត់ខ្លួនតែម្ដង ។
បច្ចុប្បន្ន កម្លាំងនគរបាលស្រុកគាស់ក្រឡ កំពុងសួរនាំជនសង្ស័យ ដើម្បីរៀបចំសំណុំរឿងបញ្ជូនទៅស្នងការដ្ឋានខេត្ដដើម្បីចាត់ការបន្តហើយ ។
ចែករំលែកព័តមាននេះ