ស្ងាត់ៗ ! ខេលី ជេនន័រ ក្លាយជាសេដ្ឋិនីអាយុតិចបំផុតនៅអាមេរិក
ទស្សនាវដ្ដី«Forbes» កាលពីពេល ថ្មីៗកន្លងមកផ្សាយថា នាងខេលី ជេនន័រ (Kylie Jenner) ជាប្អូនស្រីម្ដាយទីទៃជាមួយនាង គីម កាដាសៀន…
ទស្សនាវដ្ដី«Forbes» កាលពីពេល ថ្មីៗកន្លងមកផ្សាយថា នាងខេលី ជេនន័រ (Kylie Jenner) ជាប្អូនស្រីម្ដាយទីទៃជាមួយនាង គីម កាដាសៀន តារាសម្តែងដ៏ល្បីនៅសហរដ្ឋអាមេរិក បានក្លាយជាបុគ្គលអាយុតិចមានទ្រព្យសម្បត្តិច្រើនបំផុតនៅអាមេរិក ក្រោយពីបើកក្រុមហ៊ុនគ្រឿងសំអាង «Kylie Cosmetics» កាលពី២ឆ្នាំមុន ក្នុងទឹកប្រាក់២៥០.០០០ដុល្លារ បង្កើតអត្រាការលក់បានជាង៦៣០លានដុល្លារ ធ្វើឲ្យទ្រព្យធនរបស់ក្រុមហ៊ុនឡើងដល់៨០០លានដុល្លារ ។
នាងខេលី ជេនន័របានកាន់ភាគហ៊ុន១០០ភាគរយតែម្នាក់ឯង និងនៅពេលសរុបលើចំណូលរាប់លានដុល្លារពីកម្មវិធីទូរទស្សន៍ និងផ្សេងៗទៀតមានទ្រព្យសរុប៩០០លានដុល្លារ បានផ្ដួលជើងឯកចាស់គឺលោកម៉ាក ហ្សាក់គ័រប៊ើក ប្រធាន«Facebook» ជាមហាសេដ្ឋីវ័យក្មេងអាយុ២៣ឆ្នាំនៅឆ្នាំ២០១៧ ។
នាងខេលី ជេនន័រ បានបើកក្រុមហ៊ុនមួយមានបុគ្គលិកទាំងផ្នែកផលិត ផ្នែកវេចខ្ចប់ និងទីផ្សារចំនួន៧នាក់ រយមទាំងបុគ្គលិកនៅក្រៅម៉ោងចំនួន៥នាក់ ។ ខេលី ជាកូនស្រីពៅរបស់លោកគ្រីស និងនាងខាតលីន ៕
ចែករំលែកព័តមាននេះ