រាជធានីភ្នំពេញ ៖ បន្ទាប់ពីមានព័ត៌មានជុំវិញ ការសរសើរពីសំណាក់ពិធីការិនីរៀមច្បងល្បីល្បាញ អ្នកនាង គង់ សុជាតិ អ្នកអត្ថាធិប្បាយព័ត៌មានប្រចាំនៅទូរទស្សន៍អាស៊ីអាគ្នេយ៍ និងជាអ្នកព័ត៌មានផង បានធ្វើឱ្យកញ្ញា…
រាជធានីភ្នំពេញ ៖ បន្ទាប់ពីមានព័ត៌មានជុំវិញ ការសរសើរពីសំណាក់ពិធីការិនីរៀមច្បងល្បីល្បាញ អ្នកនាង គង់ សុជាតិ អ្នកអត្ថាធិប្បាយព័ត៌មានប្រចាំនៅទូរទស្សន៍អាស៊ីអាគ្នេយ៍ និងជាអ្នកព័ត៌មានផង បានធ្វើឱ្យកញ្ញា ដាវណ្ណ ស្ទើរតែអួលដើម.ក ទប់ទឹកភ្នែកមិនបាន ដោយសារតែនេះជាការលើកឡើងរបស់កំពូលពិធីការិនីលំដាប់ប្រទេសម្នាក់ ដែលនាងយល់ថា នាងគឺជាសិល្បការិនីជំនាន់ក្រោយដែលមានសំណាងដ៏កម្រនោះ។
នាងបន្តថា នេះជាសម្ដីមាសរបស់រៀមច្បងដែលនាងចងចាំមិនភ្លេច តែក៏នឹងធ្វើឲ្យត្រូវ បន្ត ប្រឹងប្រែងឲ្យកាន់តែខ្លាំងផងដែរ ដើម្បីកុំឲ្យអ្នកនាង គង់ សុជាតិ ខកបំណង។
អ្នកនាង គង់ សុជាតិ បាននិយាយថា ទាំងសំឡេង ទាំងការលើកដាក់សំឡេងគឺ ពិធីការិនីវ័យក្មេងកញ្ញា ដាវណ្ណ ល្អគួរឲ្យសរសើរ ដោយអ្នកនាងជំរុញឲ្យគ្រួសារតារាកម្ពុជា ដែលមានព្រឹត្តិការណ៍សំខាន់ៗ យកតារាស្រីរូបនេះមកលើកមុខលើកមាត់ឲ្យបានច្រើននោះផង ដើម្បីជួយជំរុញកេរ្តិ៍ឈ្មោះរបស់នាងឲ្យកាន់តែមានការទទួលស្គាល់។
អ្នកនាងបន្តថា មិនងាយមានអ្នកមានសមត្ថភាពទាំងវោហាស័ព្ទ ទាំងការលើកដាក់សំឡេង និងមានការយល់ដឹងច្រើនក្នុងការអត្ថាធិប្បាយបែបនេះទេ ហើយអ្នកនាងរំភើបជំនួសនៅពេលបានឃើញសមត្ថភាពអត្ថាធិប្បាយដ៏ល្អរបស់ពិធីការិនីដាវណ្ណ ដោយអ្នកនាងថា សមត្ថភាពដូចនាង គួរតែមានកម្មវិធីលេចធ្លោប្រចាំប៉ុស្ដិ៍ចេញមុខឲ្យបានច្រើន មិនគួរធ្វើជាពិធីការិនីជាយូរមកហើយ ហើយអ្នកនាងទើបតែចាប់អារម្មណ៍ថា ជាសិល្បការិនីល្អម្នាក់បែបនេះនោះទេ។
ចំណែកកញ្ញា ដាវណ្ណ បានបង្ហាញអារម្មណ៍រំភើបចង់អួលដើម.ក បន្ទាប់ពីត្រូវសិល្បការិនីឆ្នើមលំដាប់ប្រទេសសរសើរមិនដាច់ពីមាត់ ដោយកញ្ញាប្រកាសថា ខ្លួននឹងរំពឹងថានឹងក្លាយជាពិធីការិនីឲ្យបានល្អ បន្ទាប់ពីជោគជ័យក្នុងអាជីពជាអ្នកយកព័ត៌មាន និងជាអ្នកអត្ថាធិប្បាយព័ត៌មាននៅទូរទស្សន៍អាស៊ីអាគ្នេយ៍នោះផង។
កញ្ញាខ្លួននៅតែប្រឹងប្រែងចំពោះសមត្ថភាពឲ្យបានកាន់តែខ្លាំង ដោយមិនអាចទទួលបានការសរសើរ ហើយភ្លេចខ្លួននោះទេ៕
ចែករំលែកព័តមាននេះ