ខេត្តបាត់ដំបង ៖ សេចក្ដីរាយការណ៍បានឱ្យដឹងថា ស្ត្រីម្នាក់បានរអិលដួលបោកក្បាលចូលខ្សែពានម៉ាស៊ីនសាកអាគុយបណ្ដាលឱ្យស្លាប់ កាលពីវេលាម៉ោង០៤ និង៣៥នាទីរសៀលថ្ងៃទី១៥ កក្កដា ស្ថិតនៅក្នុងភូមិសូភី ឃុំអន្លង់រុន ស្រុកថ្មគោល…
ខេត្តបាត់ដំបង ៖ សេចក្ដីរាយការណ៍បានឱ្យដឹងថា ស្ត្រីម្នាក់បានរអិលដួលបោកក្បាលចូលខ្សែពានម៉ាស៊ីនសាកអាគុយបណ្ដាលឱ្យស្លាប់ កាលពីវេលាម៉ោង០៤ និង៣៥នាទីរសៀលថ្ងៃទី១៥ កក្កដា ស្ថិតនៅក្នុងភូមិសូភី ឃុំអន្លង់រុន ស្រុកថ្មគោល ។
សេចក្តីរាយការណ៍បន្តថា ស្ត្រីរងគ្រោះខាងលើ ឈ្មោះតើក ប៉ិច អាយុ៥២ឆ្នាំ មានមុខរបរសាកអាគុយ នៅភូមិ-ឃុំកើតហេតុខាងលើ ។ បើតាមសមត្ថកិច្ចបានបញ្ជាក់ថា ស្ត្រីរងគ្រោះបានទៅកន្លែងម៉ាស៊ីនសាកអាគុយ តែចៃដន្យ គាត់បានរអិលជើងដួលក្បែរនោះបោកក្បាលចូលក្នុងខ្សែពានម៉ាស៊ីនសាកអាគុយបណ្ដាលឱ្យស្លាប់ភ្លាមៗតែម្ដង។
សមត្ថកិច្ចបានចុះទៅពិនិត្យកន្លែងកើតហេតុភ្លាមៗដែរ ក្រោយទទូលបានព័ត៌មាននេះ ។ មន្ត្រីជំនាញបានពិនិត្យសពស្ត្រីរងគ្រោះ ទីតាំងកើតហេតុ និងបានធ្វើកំណត់ហេតុ ប្រគល់សពជនរងគ្រោះឲ្យទៅក្រុមគ្រួសារធ្វើបុណ្យតាមប្រពៃណីហើយ៕
ចែករំលែកព័តមាននេះ