ទីភ្នាក់ងារបរទេសកាលពីពេលថ្មីៗកន្លងមកផ្សាយថា បវរកញ្ញាលំដាប់ទី៣នៅហុងកុងក្នុងឆ្នាំ២០១៤ បានសម្រេចចិត្តរៀបការជាមួយអ្នកជំនួញអាយុ៦៦ឆ្នាំម្នាក់ ឬមានអាយុច្រើនជាងនាងដល់ទៅ៤០ឆ្នាំ ។
នាង ឃែតធឺរីន ហូ(Katherine Ho) បវរកញ្ញាលំដាប់ទី៣នៃការប្រកួតបវរកញ្ញាហុងកុងនៅឆ្នាំ២០១៤ អាចមិនសូវមានការឮឈ្មោះក្នុងពេលកន្លងមក ប៉ុន្តែពេលនេះនាងបែរជាមានកេរ្ដិ៍ឈ្មោះល្បីនៅហុងកុងក្រោយពីមានដំណឹងថាបានសម្រេចចិត្តរៀបការជាមួយមហាសេដ្ឋី អាយុ៦៦ឆ្នាំមួយរូប ។
លោក វូ សុីចេង (Wu Zhicheng) ជាប្រធានក្រុមហ៊ុន «SJM Holdings Limited» បានបើកកាសុីណូនៅម៉ាកាវ ។ កាលពីឆ្នាំមុនធ្លាប់មានដំណឹងថាលោក វូ សុីចេងបានចំណាយប្រាក់ដល់ទៅ៧០លានដុល្លារហុងកុង ឬប្រហែល៩លានដុល្លារទិញស្រាពីប្រទេសបារាំងរួចមកហើយ ។
របាយការណ៍បានបញ្ជាក់ថាពួកគេបានស្គាល់គ្នាក្នុងអំឡុងពេលចូលរួមក្នុងពិធីឃោសនាមុខទំនិញ និងបានសេពគប់គ្នាអស់រយៈពេល៣ឆ្នាំមកហើយ ។ អ្នកសារព័ត៌មានបានសាកសួរពីរឿងនេះ នាងឆ្លើយថា «ខ្លួនកំពុងជិតរៀបការ ប៉ុន្តែមិនបានបង្ហាញពីការយល់ឃើញណាមួយទេ គ្រាន់តែនិយាយថាខ្លួន និងអនាគតប្ដីមានអាយុខុសគ្នាដល់ទៅ៤០ឆ្នាំ» ៕
ចែករំលែកព័តមាននេះ