អ្នកវិភាគបាល់ទាត់ World Cup លោក Jose Morinho មិនបានចាប់អារម្មណ៍ការប្រកួតរវាងក្រុមបារាំង និងបែលហ្ស៊ិក នោះទេ តែលោកបានស្ងើចសរសើរដល់វីរបុរសដែលបានជួយក្រុមបាល់ទាត់ជ្រូកព្រៃវ័យក្មេងថៃទាំង១២នាក់…
អ្នកវិភាគបាល់ទាត់ World Cup លោក Jose Morinho មិនបានចាប់អារម្មណ៍ការប្រកួតរវាងក្រុមបារាំង និងបែលហ្ស៊ិក នោះទេ តែលោកបានស្ងើចសរសើរដល់វីរបុរសដែលបានជួយក្រុមបាល់ទាត់ជ្រូកព្រៃវ័យក្មេងថៃទាំង១២នាក់ និងគ្រូបង្វឹករបស់ពួកគេចេញពីរូងភ្នំ Tham Luang បន្ទាប់ពីជាប់កុន នៅក្នុងនោះដោយសារទឹកជន់លិចអស់រយៈពេល១៧ ថ្ងៃ ។
អ្នកចាត់ការទូទៅរបស់ក្លិបបិសាចក្រហម Manchester United វ័យ៥៥ឆ្នាំលោក Mourinho និយាយថា ៖ “ខ្ញុំភ្ញាក់ផ្អើលចំពោះអ្វីដែលបានកើតឡើងនៅប្រទេសថៃ ។ វីរបុរសមួយក្រុមនៅទីនោះមិនមែននៅឯព្រឹត្តិការណ៍ World Cup នោះទេ ។ ពួកគេគឺគ្មានអ្នកណាក្រៅពីអ្នកជំនាញមុជទឹក និងភាគីពាក់ព័ន្ធផ្សេងទៀតក្នុងបេសកកម្មសង្គ្រោះជីវិតជនរងគ្រោះនោះទេ ។ សម្រាប់ខ្ញុំគិតថា វីរបុរសនៅ World Cup ជារឿងទីពីរប៉ុណ្ណោះ”។
គួរបញ្ជាក់ ក្រុមបាល់ទាត់វ័យក្មេងថៃ១២ នាក់និងគ្រូបង្វឹករបស់ពួកគេត្រូវបានអ្នកជំនាញមុជទឹកនាំចេញពីរូងភ្នំ Tham Luang អស់ហើយកាលពីល្ងាចថ្ងៃអង្គារ បន្ទាប់ពីប្រើរយៈពេល៣ ថ្ងៃស្មើនឹង៧២ម៉ោងក្នុងបេសកកម្មដុតដៃដុតជើងពីសំណាក់ក្រុមអ្នកជំនាញមុជទឹកបរទេស ។ ពួកគេត្រូវបានជាប់ក្នុងរូងភ្នំអស់រយៈពេល១៧ថ្ងៃគិតចាប់ពីថ្ងៃទី២៣ ឧសភា មកម៉្លេះ ។ ក្នុងប្រតិបត្តិការសង្គ្រោះនេះដែរ អ្នកជំនាញមុជទឹកម្នាក់បានបាត់បង់ជីវិតដោយសារខ្វះអុកស៊ីសែនសម្រាប់ដកដង្ហើម ៕
ចែករំលែកព័តមាននេះ