រាជធានីភ្នំពេញ ៖ រថយន្តហ៊ីយ៉ាន់ដាយដឹកសេះវិល១គ្រឿងត្រូវបានបង្គោលភ្លើងថ្ម១ដើមបាក់រលំសង្កត់ទៅលើ ខណៈដែលរថយន្តនោះកំពុងឈប់រង់ចាំឲ្យម៉ូតូ១គ្រឿងបើកចេញទៅផុតសិន។ ប៉ុន្តែខណៈនោះសំណាង ណាស់ដែលមិនបានទុស្សេចរន្តអគ្គីសនី ព្រោះមិនបានដាច់ខ្សែភ្លើងឡើយ។ បន្ទាប់មកនគរបាលបានចុះ ទៅនាំយករថយន្ត២គ្រឿងទៅរក្សាទុក នៅអធិការដ្ឋានខណ្ឌពោធិ៍សែនជ័យ…
រាជធានីភ្នំពេញ ៖ រថយន្តហ៊ីយ៉ាន់ដាយដឹកសេះវិល១គ្រឿងត្រូវបានបង្គោលភ្លើងថ្ម១ដើមបាក់រលំសង្កត់ទៅលើ ខណៈដែលរថយន្តនោះកំពុងឈប់រង់ចាំឲ្យម៉ូតូ១គ្រឿងបើកចេញទៅផុតសិន។ ប៉ុន្តែខណៈនោះសំណាង ណាស់ដែលមិនបានទុស្សេចរន្តអគ្គីសនី ព្រោះមិនបានដាច់ខ្សែភ្លើងឡើយ។ បន្ទាប់មកនគរបាលបានចុះ ទៅនាំយករថយន្ត២គ្រឿងទៅរក្សាទុក នៅអធិការដ្ឋានខណ្ឌពោធិ៍សែនជ័យ រង់ចាំការស្រាវជ្រាវ ព្រោះសង្ស័យថា មានរថយន្តដឹកសេះវិល១គ្រឿងទៀត បើកទាក់ខ្សែភ្លើងបណ្ដាលឲ្យបាក់បង្គោល សង្កត់រថយន្តនេះ។
ចំណែកបង្គោលភ្លើងអគ្គិសនីវិញដោយសារទ្រទម្ងន់ខ្សែភ្លើងដែលតោងលើនោះ ច្រើនមិនរួចទើបនៅសុខៗស្រាប់បាក់រលំសង្កាត់រថយន្តបែបនេះតែម្ដង។ ប៉ុន្តែនគរបាលបានសង្ស័យថា មានរថយន្តដឹកសេះវិល១គ្រឿងផ្សេងទៀតបើកទាក់ខ្សែភ្លើងទើបបាក់រលំសង្កត់រថយន្តហ៊ីយ៉ាន់ដាយនេះ។ ហេតុការណ៍នេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី១០ ខែកក្កដា ឆ្នាំ២០១៨ នៅតាមផ្លូវលំ ស្ថិតនៅក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។ ប្រជាពលរដ្ឋបាននិយាយថា រថយន្តដែលនគរបាលសង្ស័យថាបើកទាក់ខ្សែភ្លើងបណ្ដាលឲ្យបាក់ បង្គោលភ្លើងនោះម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3B-2415 ដឹកសេះវិល។
ចំណែករថយន្តដែលត្រូវបង្គោលភ្លើងបាក់សង្កត់នោះម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពត 3A-0274 ដឹកសេះវិលដូចគ្នា។ ប្រភពដដែលបានបន្តឲ្យដឹងទៀតថា អ្នកបើកបររថយន្តទាំង២គ្រឿងនេះ មិនត្រូវបានស្គាល់អត្តសញ្ញាណឡើយ ហើយនៅមុនកើតហេតុ រថយន្តទាំងពីរគ្រឿងនេះបានបើកបរ ធ្វើដំណើរស្របគ្នាតាមផ្លូវលំនោះ។ ដោយបានដឹកសេះវិលយកទៅដាក់នៅត្រង់ចំណុចដីវាលមួយកន្លែង ជិតនោះដែរ ព្រោះនៅទីតាំងនោះមានការសម្តែង ល្ខោនបាសាក់នៅវេលាយប់ថ្ងៃដដែលនោះ។
ខណៈនោះរថយន្តដែលពាក់ស្លាកលេខ ភ្នំពេញ 3B-2415 បានបើកផុតទៅ ចំណែករថយន្ត ដែលពាក់ស្លាក លេខកំពត 3A-0274 បានឈប់ស្ងៀមរង់ចាំឲ្យម៉ូតូ១គ្រឿងដែលបើកបរបញ្ច្រាសទិសគ្នា ទៅផុតសិនព្រោះផ្លូវចង្អៀត។ ស្រាប់តែបង្គោលភ្លើងបានបាក់ដួលរលំទាំងគ្មានភ្លៀង និងខ្យល់ ឬរថយន្ត១គ្រឿងណាទាក់ ឬប៉ះឡើយបណ្ដាលឲ្យសង្កត់លើរថយន្តដែលកំពុងឈប់នោះជាប់តែម្ដង។ ប៉ុន្តែមិនបានបណ្ដាលឲ្យអ្នកបើកបររថយន្ត ឬអ្នកជិតខាងណាម្នាក់រងគ្រោះឡើយព្រោះខ្សែភ្លើងមិនដាច់ ហើយមិនបានទុស្សេចរន្តអគ្គិសនី។ ចំណែកបង្គោលភ្លើងផុយដូចឈើពុកនៅសុខៗស្រាប់បាក់បែប នេះពិតជាផ្ដល់នូវការភ័យខ្លាចដល់ប្រជាពលរដ្ឋនៅតំបន់នោះខ្លាំងណាស់៕
https://youtu.be/r_oQ_qqAvyY
ចែករំលែកព័តមាននេះ