ពូទីន ដាក់ប៉ុន្មានម៉ាត់នេះចាក់ដោតខ្លាំងជូនគ្រូបង្វឹកនិងកូនក្រុមក្រោយធ្លាក់ចេញពី World Cup

ថ្ងៃទី ០៩ ខែ កក្កដា ឆ្នាំ ២០១៨

ម៉ោង ០៩:៤៨

ក្តីស្រមៃថានឹងអាចឆ្ពោះទៅវគ្គបន្តរបស់ក្រុមជម្រើសជាតិរុស្ស៊ី ត្រូវបានរលាយហ្មត់ត្រឹមវគ្គ៨ក្រុម ក្រោមថ្វីជើងក្រូអាស៊ីក្នុងជំនួបកាលពីរាត្រីថ្ងៃសៅរ៍កន្លងទៅ បន្ទាប់ពីចាញ់គ្រាប់បាល់ប៉េណាល់ទីកាត់សេចក្តី៣ទល់នឹ៤ ។

ទោះជាយ៉ាងនេះក្តី ប្រធានាធិបតីលោក វ្ល៉ាឌីមៀរពូទីន នៅតែកោតសរសើរពីក្រុមជម្រើស
ជាតិរុស្ស៊ីដដែលចំពោះការខិតខំតស៊ូប្រយុទ្ធតាំងពីដើមរហូតមក ។ នេះបើយោងតាមការលើក
ឡើងរបស់គ្រូបង្វឹក Cherchesov ថា បានសន្ទនាតាមទូរស័ព្ទជាមួយលោកពូទីន នៅពេលដែលនាយករដ្ឋមន្ត្រីរុស្ស៊ី លោក Dmitry Medvedev ទៅលើកទឹកចិត្តកូនក្រុមដោយផ្ទាល់ដល់បន្ទប់ផ្លាស់សម្លៀកបំពាក់កីឡាករក្រោយចប់ការប្រកួត ។

លោក Cherchesov បាននិយាយក្នុងសន្និសីទសារព័ត៌មានថា «គាត់ (ពូទីន) មាន ប្រសាសន៍សរសើរពួកយើងថា បានខិតខំ និងលេងបានយ៉ាងល្អនៅលើទីលានប្រកួត ។ ខ្ញុំបានប្រាប់គាត់វិញថា យើងពិតជាឈឺចិត្តណាស់ ដែលមិនអាចឆ្លងផុតវគ្គនេះបាន ប៉ុន្តែគាត់នៅតែលើកទឹកចិត្ត និងឱ្យយកការខកចិត្តនេះទុកជាមេរៀនសម្រាប់អភិវឌ្ឍបន្ថែម» ។

គួរបញ្ជាក់ថា ចាប់តាំងពីបំបែកខ្លួនពីសហភាពសូរៀត និងបានចូលលេង World Cup ឆ្នាំ១៩៩៤ មករុស្ស៊ីបង្ហាញខ្លួនតែបីលើកប៉ុណ្ណោះ ហើយក្នុងចំណោមនោះពួកគេមិនដែលឆ្លងផុតវគ្គចែកពូលនោះទេ ទើបតែធ្វើជាម្ចាស់ផ្ទះនៅរដូវកាល២០១៨នេះ រុស្ស៊ីអាចឡើងដល់វគ្គ៨ក្រុមគួរឱ្យភ្ញាក់ផ្អែល ៕