រាជធានីភ្នំពេញ ៖ បុរសម្នាក់បានដួលបោកក្បាល់ស្លាប់នៅកន្លែង និងស្ត្រីជាប្រពន្ធបានរងរបួស ខណៈពេលដែលជិះម៉ូតូមកធ្វើការនៅភ្នំពេញកាត់គំនរខ្សាច់ដែលគេបូមលុបបឹងហៀរពេញផ្លូវជាតិលេខ៦ ជាហេតុបង្កឲ្យគ្រោះថ្នាក់ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ៥និង៣០នាទីព្រឹកថ្ងៃទី០៨ ខែកក្កដា ឆ្នាំ២០១៨…
រាជធានីភ្នំពេញ ៖ បុរសម្នាក់បានដួលបោកក្បាល់ស្លាប់នៅកន្លែង និងស្ត្រីជាប្រពន្ធបានរងរបួស ខណៈពេលដែលជិះម៉ូតូមកធ្វើការនៅភ្នំពេញកាត់គំនរខ្សាច់ដែលគេបូមលុបបឹងហៀរពេញផ្លូវជាតិលេខ៦ ជាហេតុបង្កឲ្យគ្រោះថ្នាក់ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ៥និង៣០នាទីព្រឹកថ្ងៃទី០៨ ខែកក្កដា ឆ្នាំ២០១៨ នៅតាមផ្លូវជាតិលេខ៦ ក្នុងភូមិបាក់ខែង សង្កាត់បាក់ខែង ខណ្ឌជ្រោយចង្វារ ។
បុរសជាប្តីដែលបោកក្បាលស្លាប់នោះត្រូវបាននគរបាលឲ្យដឹងថាឈ្មោះ ទៀង ច័ន្ទផល្លា អាយុ៤៨ឆ្នាំ មានលំនៅភូមិច្រស់ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម ។ ចំណែកស្រីជាប្រពន្ធបានរងរបួសពុំត្រូវបានស្គាល់ឈ្មោះឡើយ ។
តាមព័ត៌មានឲ្យដឹងថា នៅព្រឹកថ្ងៃកើតហេតុជនរងគ្រោះបានជិះម៉ូតូម៉ាកហុងដាសេ១២៥សេរី២០១៧ ពាក់ស្លាក់លេខភ្នំពេញ១GE-៤៣៩៨ មួយគ្រឿងបានឌុបភរិយាចេញពីស្រុកកំណើត គោលបំណងមកធ្វើការងារនៅភ្នំពេញ ។ ខណៈពេលធ្វើដំណើរមកដល់កន្លែងកើតហេតុក៏បានជិះកាត់គំនរខ្សាច់ដែលបានចាក់ហៀរពេញផ្លូវជាតិជិតដល់កណ្តាលផ្លូវក៏បណ្តាលឲ្យក្រឡាច់កង់ម៉ូតូដួលបោកក្បាលស្លាប់បុរសជាប្តី ហើយស្ត្រីជាប្រពន្ធបានរងរបួសធ្ងន់ ។ សពត្រូវមគ្រួសារនាំយកទៅធ្វើបុណ្យតាមប្រពៃណីនៅស្រុកកំណើត ។
គួរបញ្ជាក់ថា គំនរខ្សាច់នោះត្រូវបានគេបូមយកពីទន្លេមកចាក់លុបដីទំនាប់បឹង និងស្តុបទុកដឹកចេញយកទៅចាក់នៅកន្លែងផ្សេងៗទៀត ។ ដីខ្សាច់ហៀរ និងធ្លាក់ពេញផ្លូវជាហេតុបង្កឲ្យគ្រោះថ្នាក់ដល់អ្នកដំណើរជាបន្តបន្ទាប់ ។ ប្រជាពលរដ្ឋក៏បានសំណូមពរដល់អាជ្ញាធរ និងសមត្ថកិច្ចមេត្តាជួយពិនិត្យមើលផង និងជួយស្រាវជ្រាវរកម្ចាស់ដេប៉ូខ្សាច់ ដើម្បីមកទទួលខុសត្រូវចំពោះអ្នករងគ្រោះដ្នាក់ ៕
ចែករំលែកព័តមាននេះ