ខេត្តរតនគិរី ៖ ក្មេងស្រីអាយុ១១ឆ្នាំម្នាក់បានចុះទៅហែលទឹកលេងក្នុងទឹកស្រះ ហើយរអិលជើងធ្លាក់ចូលកន្លែងទឹកជ្រៅបណ្ដាលឲ្យលង់ស្លាប់យ៉ាងអាណោចអាធ័ម។ ហេតុការណ៍នេះបានកើតឡើងកាលពីវេលាម៉ោង៤ទៅម៉ោង៥ល្ងាចថ្ងៃទី៣ ខែកក្កដា ឆ្នាំ២០១៨ ស្ថិតនៅភូមិ១ ឃុំស្រែអង្គ្រង ស្រុកកូនមុំ ខេត្តរតនគីរី។
តាមប្រភពព័ត៌មានបានឱ្យដឹងថា ក្មេងស្រីដែលស្លាប់ឈ្មោះ ឡន ដារត្ន័ អាយុ១១ឆ្នាំ ជាសិស្ស មានឪពុកឈ្មោះ មិន លុច អាយុ៣៤ឆ្នាំ មុខរបរកសិករ រស់នៅក្នុងភូមិឃុំកើតហេតុខាងលើ។
ក្រោយពីសមត្ថកិច្ចធ្វើការពិនិត្យកន្លែងកើតហេតុនិងធ្វើកោសល្យវិច្ច័យរកឃើញថា ក្មេងស្រីរងគ្រោះពិតជាស្លាប់ដោយសារលង់ទឹកប្រាកដមែន។ ក្រោយពិនិត្យរួច សមត្ថកិច្ចបានប្រគល់សពទៅឲ្យក្រុមគ្រួសារដើម្បីធ្វើបុណ្យតាមប្រពៃណីផងដែរ៕
ចែករំលែកព័តមាននេះ