ខេត្តព្រៃវែង ៖ បើតាមសេចក្តីរាយការណ៍បានឲ្យដឹងថា ២នាក់ម្តាយ និងកូនបានរងរបួសក្រោយពីត្រូវក្រុមចោរបានលបចូលមកប្លន់ ថែមទាំងកាប់ដល់ក្នុងផ្ទះ ហេតុការណ៍នេះកើតឡើងកាលពីម៉ោង១ រំលងអធ្រាត្រឈានចូលថ្ងៃទី០៤ ខែកក្កដា ឆ្នាំ២០១៨…
ខេត្តព្រៃវែង ៖ បើតាមសេចក្តីរាយការណ៍បានឲ្យដឹងថា ២នាក់ម្តាយ និងកូនបានរងរបួសក្រោយពីត្រូវក្រុមចោរបានលបចូលមកប្លន់ ថែមទាំងកាប់ដល់ក្នុងផ្ទះ ហេតុការណ៍នេះកើតឡើងកាលពីម៉ោង១ រំលងអធ្រាត្រឈានចូលថ្ងៃទី០៤ ខែកក្កដា ឆ្នាំ២០១៨ ស្ថិតក្នុងភូមិតាមូង ឃុំថ្កូវ ស្រុកកំពង់ត្របែក ខេត្តព្រៃវែង។
សេចក្តីរាយការណ៍បន្តថា ជនរងគ្រោះខាងលើឈ្មោះ ស សុខ ភេទស្រី អាយុ៦៧ឆ្នាំ (ម្ចាស់ផ្ទះ) ជាម្តាយត្រូវចោរកាប់ត្រូវក្បាល និងកូនស្រីឈ្មោះ អ៊ូច ចន្ធូ អាយុ១៨ឆ្នាំ ត្រូវបានចោរ១ក្រុមកាប់ត្រូវក.ដៃខាងឆ្វេង ។ ចំណែកជនសង្ស័យម្នាក់ឈ្មោះ ឈុន សក្តា ភេទប្រុស អាយ១៨ឆ្នាំ នៅភូមិតាមូង ឃុំថ្កូវ ស្រុកកំពង់ត្របែក ជាអ្នកកាន់កាំបិតផ្គាក់ (ជនដៃដល់) រីឯម្នាក់ទៀតឈ្មោះ ហ៊ុន វិសាល (ហៅលក) ភេទប្រុស អាយុ១៨ឆ្នាំ នៅភូមិតាមូង ឃុំថ្កូវ ស្រុកកំពង់ត្របែក ជាអ្នកកាន់ព្រនង់ ។
សេចក្តីរាយការណ៍បន្តទៀតថា មានចោរ១ក្រុមបានធ្វើសកម្មភាពប្លន់ផ្ទះប្រជាពលរដ្ឋ ហើយយកប្រាក់១០ម៉ឺនរៀល ថែមទាំងកាប់ជនរងគ្រោះពីរនាក់ម្តាយ និងកូនស្រី បណ្តាលឲ្យរងរបួសទៀតផង។ បន្ទាប់ពីរកាប់ជនរងគ្រោះម្តាយ និងកូនឲ្យរងរបួសរួច ក្រុមចោរបានប្លន់យកប្រាក់អស់ចំនួន ១០០.០០០ រៀល ។
ក្រោយពេលកើតហេតុ សមត្ថកិច្ចនគរបាលមូលដ្ឋានបានចុះទៅដល់កន្លែងកើតហេតុ និងបានបញ្ជូនជនរងគ្រោះទាំង២នាក់ម្តាយកូនទៅមណ្ឌលសុខភាពខេត្ត ។ ភ្លាមៗនោះសមត្ថកិច្ចក៏ ធ្វើការស្រាវជ្រាវ ដើម្បីកំណត់មុខសញ្ញារហូតឈានឃាត់ខ្លួនជនសង្ស័យ២នាក់យកទៅសាកសួរ ហើយជនសង្ស័យទាំង២នាក់ត្រូវសមត្ថកិច្ចសួរនាំ និងកសាងសំណុំរឿងតាមនីតិវិធីច្បាប់៕
ចែករំលែកព័តមាននេះ