រាជធានីភ្នំពេញ ៖ ទីតាំងដាំផ្កា ទិញ-លក់អេតចាយ និងសិប្បកម្មឈើទាំងអស់៣កន្លែង ត្រូវបានកម្លាំង នគរបាលនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ…
រាជធានីភ្នំពេញ ៖ ទីតាំងដាំផ្កា ទិញ-លក់អេតចាយ និងសិប្បកម្មឈើទាំងអស់៣កន្លែង ត្រូវបានកម្លាំង នគរបាលនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ចុះត្រួតពនិត្យ ដោយឃាត់ខ្លួនជនជាតិវៀតណាមចំនួន៩នាក់ ក្នុងនោះមានស្រីម្នាក់ ស្នាក់នៅ និងធ្វើការខុសច្បាប់នៅក្នុងប្រទេសកម្ពុជា។
ប្រតិបត្តិការនេះ ធ្វើឡើងកាលពីវេលាម៉ោង០៨ និង១៥នាទី ថ្ងៃទី០៣ ខែកក្កដា ឆ្នាំ២០១៨ នៅក្នុងសង្កាត់ទួលសង្កែ១-២ ខណ្ឌឫស្សីកែវ។ ការចុះត្រួតពិនិត្យ នេះ ដឹកនាំសម្របសម្រួលដោយលោក សៀង សុខ ព្រះរាអាជ្ញារង នៃអយ្យការអមសាលាដំបូង រាជធានីភ្នំពេញ និងមានការចូលរួមពីលោក លឹម ស៊ាងហៃ ក្រឡាបញ្ជី និងមានការចូលរួម សហកាជាមួយស្នងការដ្ឋាននគរបាលរាជធានីភ្នំពេញផងដែរ។
តាមនគរបាលបានឲ្យដឹងថា នៅក្នុងត្រួតពិនិត្យនគរបាលបានរកឃើញមានជនបរទេសចំនួន០៩នាក់ ស្រី០១នាក់ ជាជនជាតិវៀតណាម បានលួចស្នាក់នៅ និងប្រកបរបរដោយខុសច្បាប់ គ្មានលិខិតឆ្លងដែន និងប្រើប្រាស់ឯកសារមិនត្រឹមត្រូវ។ ជនបរទេសចំនួន០៩នាក់ ស្រី០១នាក់ ខាងលើ ត្រូវបាននគរបាលបញ្ជូន ទៅកាន់អគ្គនាយកដ្ឋានអន្តោប្រវេសន៍ ដើម្បីត្រួតពិនិត្យឯកសារ និងសាកសួរចាត់ការតាមនីតិវិធីច្បាប់៕
ចែករំលែកព័តមាននេះ