ខេត្តស្វាយរៀង ៖ មានរថយន្តយីឌុបធុនយក្ស០៥គ្រឿង បើកឆ្លងដែនពេលយប់សមត្ថកិច្ចសង្ស័យថា ដឹកឈើប្រណិតស្ទាក់ចាប់បាន០២គ្រឿង ឆែករកឃើញបង្កប់ស្រា និងគេចពន្ធរាប់សិបកេះ ។ បើតាមមន្ត្រីនគរបាលការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគបាលខេត្តបានឲ្យដឹងថា កាលពីវេលាម៉ោង១០និង៣០នាទីយប់…
ខេត្តស្វាយរៀង ៖ មានរថយន្តយីឌុបធុនយក្ស០៥គ្រឿង បើកឆ្លងដែនពេលយប់សមត្ថកិច្ចសង្ស័យថា ដឹកឈើប្រណិតស្ទាក់ចាប់បាន០២គ្រឿង ឆែករកឃើញបង្កប់ស្រា និងគេចពន្ធរាប់សិបកេះ ។
បើតាមមន្ត្រីនគរបាលការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគបាលខេត្តបានឲ្យដឹងថា កាលពីវេលាម៉ោង១០និង៣០នាទីយប់ ថ្ងៃទី២៨ មិថុនា ២០១៨ មានប្រជាពលរដ្ឋរាយការណ៍ថា មានរថយន្តយីឌុប០៥គ្រឿង ផ្ទុកទំនិញពេញគ្របជិត សង្ស័យថា ដឹកឈើប្រណិតឆ្លងដែនទៅប្រទេសវៀតណាម ។
ក្រោយពីរបានព័ត៌មាននេះភ្លាមសមត្ថកិច្ចការិយាល័យប្រឆាំងបទល្មើសស្នងការដ្ឋាននគបាលខេត្តស្វាយរៀងបានស្ទាក់ឃាត់រថយន្តបាន០២គ្រឿង នៅវេលាម៉ោង១១និង១០នាទីយប់ គឺ១គ្រឿងស្ទាក់បាននៅចំណុចជិតវត្តចេកវ៉ា ឃុំបន្ទាយក្រាំងស្រុកកំពង់រោទ៌ សម្របសម្រួលដោយលោកគង់ចន្ទ័ខេមរិទ្ធ ព្រះរាជអាជ្ញាអមសាលាដំបូងខេត្តស្វាយរៀងធ្វើការឆែកឆេរកវត្ថុតាងឈើប្រណិត ក៏ប៉ុន្តែការឆែកឆេនោះរកពុំឃើញមានឈើប្រណិតទេ មានតែទំនិញគ្រឿងអេឡិចត្រូនិច ជជុះ ដូចជា ម៉ាស៊ីនត្រជាក់ ទូទឹកកក កង្ហារ លែនកាំម៉ារ៉ា លោកព្រះរាជអាជ្ញា ក៏មិនឃាត់រថយន្តទេអនុញ្ញាត្តឲ្យបន្តទៅកាន់ព្រំដែន ។
រីឯរថយន្តយីឌុបមួយគ្រឿងទៀតដោយយប់ជ្រៅម៉ោង១និង១០នាទីរំលងអធ្រាត្រឈានចូលថ្ងៃទី២៩ មិថុនាក៏ឃាត់រថយន្តពាក់ស្លាកលេខភ្នំពេញ3A-6237 យកមកការិយាល័យប្រឆាំងបទល្មើសសេដ្ឋកិច្ចស្នងការដ្ឋាននគបាលខេត្ត៕ ព័ត៌មានពិស្តារនឹងផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ