ជនសង្ស័យ៣នាក់ និងរថយន្តក្រុងសូរិយា ជាប់ពាក់ព័ន្ធគ្រឿងញៀ.ន១២០ដុំ
- ស្ទឹងត្រែង
ខេត្តស្ទឹងត្រែង ៖ នៅវេលាម៉ោង៨ និង៤០នាទីយប់ ថ្ងៃទី២៦ មិថុនា ២០១៨នេះ វត្ថុតាងគ្រឿងញៀន១២០ដុំ និងជនសង្ស័យ៣នាក់ ព្រមទាំងមធ្យោបាយដឹកជញ្ជូន…
ខេត្តស្ទឹងត្រែង ៖ នៅវេលាម៉ោង៨ និង៤០នាទីយប់ ថ្ងៃទី២៦ មិថុនា ២០១៨នេះ វត្ថុតាងគ្រឿងញៀន១២០ដុំ និងជនសង្ស័យ៣នាក់ ព្រមទាំងមធ្យោបាយដឹកជញ្ជូន (រថយន្តក្រុងសូរិយា) បានបញ្ជូនមកពីច្រកអន្តរជាតិត្រពាំងក្រៀល ចូលមកស្នងការនគរបាលខេត្ត ដោយត្រូវនគរបាលកំពុង សាកសួរបន្តតាមនីតិវិធី។ ដោយឡែក មេការតំណាងរថយន្តក្រុងសូរិយា អង្គុយមុខស្នងការខេត្ត ដើម្បីរង់ចាំព័ត៌មាន។
សមត្ថកិច្ចអន្តោប្រវេសន៍ប្រចាំការនៅច្រកទ្វារអន្តរជាតិ ត្រពាំងក្រៀល ( ព្រំដែនកម្ពុជា-ឡាវ) បានបង្ក្រាបគ្រឿងញៀន ប្រភេទម៉ាទឹកកកចំនួន១២០គីឡូក្រាម ស្មើនឹង១២០ដុំ ដែលជនល្មើសចេញពីប្រទេសឡាវចូលមកកម្ពុជា ដោយប្រើប្រាស់មធ្យោបាយរថយន្តក្រុងរបស់ក្រុមហ៊ុនភ្នំពេញសូរិយា មានស្លាកលេខ ភ្នំពេញ 3C-2671 និងឃាត់ខ្លួនជនល្មើសជាជនជាតិខ្មែរចំនួន០៣នាក់។
ខាងជំនាញគ្រឿងញៀន បានបញ្ជាក់ថា វត្ថុតាងដែលដកហូតបាននេះជាគ្រឿងញៀនប្រភេទម៉ាទឹកកក អ៊ិចស្ដាហ្ស៊ី មានទម្ងន់សរុបទាំងអស់ចំនួន១២០គីឡូក្រាម ស្មើនឹង១២០ដុំ។ ជនប្រព្រឹត្តបទល្មើសករណីនេះមានចំនួន០៣នាក់ ៖ ១-ឈ្មោះ ឈៀវ ធារ៉ូ ភេទប្រុស អាយុ ៣៥ឆ្នាំ ជនជាតិខ្មែ ២-ឈ្មោះ ហែម សាវ៉ន ភេទប្រុស អាយុ៣៥ឆ្នាំ ជនជាតិខ្មែរ និងទី៣-ធៀវ តុងហៃ ភេទប្រុស អាយុ៣៧ឆ្នាំ ជនជាតិខ្មែរ៕
https://youtu.be/QX7qVA8BiyA
ចែករំលែកព័តមាននេះ