ខេត្តកំពង់ធំ ៖ សេចក្តីរាយការណ៍បឋមឱ្យដឹងថា បុរសម្នាក់ដែលស្គាល់ថា ជាអ្នកយកព័ត៌មានទូរទស្សន៍0ប៉ុស្តិ៍លេខ៥ ត្រូវបានសមត្ថកិច្ចស្រុកកំពង់ស្វាយសហការជាមួយស្រុកស្ទោង ធ្វើការឃាត់ខ្លួនបាន កាលពីព្រឹកថ្ងៃទី២៦ មិថុនា នេះ ដែលធ្វើឡើងតាមដីកាបង្គាប់ឱ្យចាប់ខ្លួនរបស់សាលាដំបូងរាជធានីភ្នំពេញ ពាក់ព័ន្ធលើករណីឆបោកប្រាក់ ។
សេចក្តីរាយការណ៍បន្តថា ជនសង្ស័យឈ្មោះ ហ៊ាង លីហាក់ ។ ការឃាត់ខ្លួនធ្វើឡើង ខណៈកំពុងធ្វើដំណើរចេញពីស្រុកស្ទោង លុះមកដល់ចំណុចផ្លូវកែងវត្តប្រាសាទស្វាយព្រៃ ក្នុងឃុំត្រពាំងប្ញស្សី ស្រុកកំពង់ស្វាយ ខេត្តកំពង់ធំ ក៏បានជួបកម្លាំងនគរបាលស្រុក ខណៈក៏កំពុងរង់ចាំស្កាត់ផ្លូវ ដើម្បីឃាត់ខ្លួនផងដែរ ។
ប្រភពបន្តថា ជនសង្ស័យបានបើករថយន្តមកដល់ លុះពេលជួបសមត្ថកិច្ចក៏ចុះសួរនាំ ហើយក៏ត្រូវសមត្ថកិច្ចធ្វើការឃាត់ខ្លួន បញ្ជូនទៅកាន់ស្នងការរដ្ឋាននគរបាលខេត្តកំពង់ធំតែម្តង ។
គួរបញ្ជាក់ដែរថា ជនសង្ស័យពីមុនក៏ធ្លាប់ជាអ្នកយកព័ត៌មានឱ្យទូរទស្សន៍ ទ.ទ.ក ហើយក៏ធ្លាប់ត្រូវសមត្ថកិច្ចចាប់វាយខ្នោះម្តងរួចមក ។ លុះចូលមកប៉ុស្តិ៍លេខ៥ បានប្តូរឈ្មោះថា ហេង ជលសា វិញ ហើយក៏មានពាក្យបណ្តឹងច្រើនណាស់ ដែលគេប្តឹងជនសង្ស័យរូបនេ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ