ឆ្នាំមុនគេបា.ញ់សម្លា.ប់ឪពុក… ពេលនេះកូនក៏ត្រូវបា.ញ់ដែរ
- ព្រះវិហារ
ខេត្តព្រះវិហារ ៖ បុរសម្នាក់ឈ្មោះ សែ សាវុធ អាយុ៣៤ឆ្នាំ មានទីលំនៅក្នុងភូមិជាំស្រែ ឃុំយាង ស្រុកជាំក្សាន្ត បានរងរបួសធ្ងន់ដោយសារត្រូវខ្មាន់កាំភ្លើង…
ខេត្តព្រះវិហារ ៖ បុរសម្នាក់ឈ្មោះ សែ សាវុធ អាយុ៣៤ឆ្នាំ មានទីលំនៅក្នុងភូមិជាំស្រែ ឃុំយាង ស្រុកជាំក្សាន្ត បានរងរបួសធ្ងន់ដោយសារត្រូវខ្មាន់កាំភ្លើង…
ខេត្តព្រះវិហារ ៖ បុរសម្នាក់ឈ្មោះ សែ សាវុធ អាយុ៣៤ឆ្នាំ មានទីលំនៅក្នុងភូមិជាំស្រែ ឃុំយាង ស្រុកជាំក្សាន្ត បានរងរបួសធ្ងន់ដោយសារត្រូវខ្មាន់កាំភ្លើង មិនស្គាល់មុខបាញ់ប្រហារ កាលពីវេលាម៉ោង០៨ និង៣០នាទីយប់ថ្ងៃទី១៩ មិថុនា ខណៈជនរងគ្រោះកំពុងអង្គុយជក់បារីនៅមាត់ជណ្តើរផ្ទះ ។ យោងតាមលោកវរសេនីយ៍ឯក ឆយ បូរិននាយសេនាធិការដ្ឋាននៃស្នងការដ្ឋាននគរបាលខេត្តបានឱ្យដឹងថា ករណីប៉ុនប៉ងមនុស្សឃាតនេះ បើតាមប្រពន្ធជនរងគ្រោះប្រាប់សមត្ថកិច្ចថា ខណៈប្តីរបស់គាត់កំពុងអង្គុយជក់បារីនៅមាត់ជណ្តើរផ្ទះតាមទម្លាប់ ឯរូបគាត់ជាប្រពន្ធ និងម្តាយក្មេកកំពុងដេកនៅក្នុងផ្ទះ ស្រាប់តែឮសំឡេងបាញ់រះជាច្រើនគ្រាប់ និងឮសំឡងប្តីគាត់ស្រែក ។ ពេលនោះគាត់ចេញទៅមើលក៏ឃើញប្តីត្រូវគ្រាប់កាំភ្លើងចំនួន៥គ្រាប់ ក្នុងនោះ២គ្រាប់ចំដើមដៃ ១គ្រាប់ចំគល់ក ២គ្រាប់ចំថ្គាមខាងឆ្វេង តែសំណាងល្អមិនស្លាប់ ។
សមត្ថកិច្ចបន្តថា ដោយយោងតាមការបំភ្លឺរបស់ប្រពន្ធជនរងគ្រោះ សមត្ថកិច្ចសន្និដ្ឋានថា ករណីនេះជារឿងគំនុំ ដែលកន្លងទៅគ្រួសារជនរងគ្រោះត្រូវអ្នកភូមិនៅទីនោះចោទថា «ចេះធ្វើអំពើអាបធ្មប់» ។ កាលពីឆ្នាំមុន ឪពុករបស់ជនរងគ្រោះ ក៏ត្រូវជនមិនស្គាល់មុខបាញ់សម្លាប់ដែរ ដោយចោទថា ឪពុករបស់ជនរងគ្រោះចេះអំពើធ្មប់ ។ សូមបញ្ជាក់ថា ក្រោយកើតហេតុជនរងគ្រោះត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យបង្អែក១៦មករា ក្រុងព្រះវិហារ ដើម្បីធ្វើការសង្គ្រោះ ប៉ុន្តែដោយសារស្ថានភាពរបួសធ្ងន់ពេកក៏បញ្ជូនបន្តទៅកាន់មន្ទីរពេទ្យឯរាជធានីភ្នំពេញទៀត ។
មកដល់ពេលនេះ សមត្ថកិច្ចពាក់ព័ន្ធនៅគ្រប់មូលដ្ឋានទាំងអស់ កំពុងដុតដៃដុតជើងធ្វើការ ស្រាវជ្រាវរកមុខសញ្ញាជនសង្ស័យដែលបានបាញ់ប្រហារជនរងគ្រោះ ដើម្បីចាប់ខ្លួននាំយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ