ប្រធានាធិបតីរុស្ស៊ីលោក វ្ល៉ាឌីមៀរ ពូទីន នឹងអត្តមានចូលទស្សនាការប្រកួតរវាងក្រុមជម្រើសជាតិរុស្ស៊ីប៉ះក្រុមអេហ្ស៊ីបនៅយប់នេះដោយរូបលោកជាប់ភារកិច្ចសំខាន់មួយ ។ អ្នកនាំពាក្យរបស់វិមានក្រឹមឡាំងលោក Dmitry Peskov និយាយថា «លោក…
ប្រធានាធិបតីរុស្ស៊ីលោក វ្ល៉ាឌីមៀរ ពូទីន នឹងអត្តមានចូលទស្សនាការប្រកួតរវាងក្រុមជម្រើសជាតិរុស្ស៊ីប៉ះក្រុមអេហ្ស៊ីបនៅយប់នេះដោយរូបលោកជាប់ភារកិច្ចសំខាន់មួយ ។ អ្នកនាំពាក្យរបស់វិមានក្រឹមឡាំងលោក Dmitry Peskov និយាយថា «លោក ពូទីន នឹងមិនបានចូលរួមទស្សនាការប្រកួតរវាងក្រុមរុស្ស៊ី និងអេហ្ស៊ីបនៅយប់នេះទេ» ។
នៅថ្ងៃនោះ ពូទីន នឹងធ្វើដំណើរទៅកាន់ប្រទេសបេឡារុសដើម្បីចូលរួមកិច្ចប្រជុំរដ្ឋសហភាពរុស្ស៊ី និងប្រជុំកំពូលក្រុមប្រឹក្សាបេឡារុស ។ ដូច្នេះ រូបលោកមិនអាចគាំទ្រក្រុមជម្រើសជាតិរុស្ស៊ីសម្រាប់ការប្រកួតលើកទីពីរបាននោះទេ ខណៈការប្រកួតបើកឆាកពូទីនបានចូលរួមដែលពេលនោះក្រុមម្ចាស់ផ្ទះទទួលបានលទ្ធផលជាទីគាប់ចិត្ត ។
ពូទីន ធ្លាប់លើកឡើងថារូបលោកនឹងព្យាយាមចូលរួមទស្សនាការប្រកួត World Cup ឱ្យបានច្រើនតាំងពីវគ្គបើកឆាករហូតដល់វគ្គផ្តាច់ព្រ័តក្នុងនាមជាម្ចាស់ផ្ទះនៃព្រឹត្តិការណ៍នេះ ។ គួររំលឹកថា ក្រុមខ្លាឃ្មុំទឹកកករុស្ស៊ីបានឈរកំពូលតារាងក្នុងពូល A ក្រោយឈ្នះក្រុមអារ៉ាប៊ីសាអូឌីត ៥-០ ហើយក្រុមម្ចាស់ផ្ទះនេះនឹងប៉ះក្រុមអេហ្ស៊ីបនិងអ៊ុយរូហ្គាយបន្តទៀតដើម្បីភ្លក់រសជាតិវគ្គ១៦ក្រុម ៕
ចែករំលែកព័តមាននេះ