ក្រុមបាល់ទាត់ជម្រើសជាតិកូឡុំប៊ី បានទទួលការកោតសរសើរជាច្រើនក្នុងព្រឹត្តិការណ៍ FIFA World Cup កាលពី៤ឆ្នាំមុន ក្រោមការបង្ហាញពីទម្រង់លេងដ៏ល្អរបស់តារាឆ្នើម James Rodriguez ខណៈដែលរូបគេបានបញ្ចប់ព្រឹត្តិការណ៍នោះក្នុងនាមជាកីឡាករ…
ក្រុមបាល់ទាត់ជម្រើសជាតិកូឡុំប៊ី បានទទួលការកោតសរសើរជាច្រើនក្នុងព្រឹត្តិការណ៍
FIFA World Cup កាលពី៤ឆ្នាំមុន ក្រោមការបង្ហាញពីទម្រង់លេងដ៏ល្អរបស់តារាឆ្នើម
James Rodriguez ខណៈដែលរូបគេបានបញ្ចប់ព្រឹត្តិការណ៍នោះក្នុងនាមជាកីឡាករ
រកបានគ្រាប់បាល់ច្រើនជាងគេចំនួន៦គ្រាប់។
កូឡុំប៊ី ដែលមានរហស្សនាមថា«ដែនដីកាហ្វេ» នឹងសម្លឹងរកការបង្កើតភាពអស្ចារ្យ ប៉ុន្តែពួកគេនឹងចាប់ផ្តើមក្នុងប្រទេសរុស្ស៊ី នៅពេលប្រកួតជាមួយក្រុមជប៉ុន ក្នុងរូបភាពស្រពេចស្រពិលជាច្រើន។ ក្រុមកូឡុំប៊ី របស់លោក Jose Pekerman ហាក់បានបង្ហាញពីទម្រង់លេងក្នុងកម្រិតមធ្យមក្នងការប្រកួតជម្រុះ និងបានឈ្នះកៅអីទៅកាន់ព្រឹត្តិការណ៍ FIFA World Cup 2018 តាមរយៈការផ្តួលក្រុមជម្រើសជាតិស៊ីលី ដោយនាំមុខ១ពិន្ទុ ។ ពួកគេបានបញ្ចប់ព្រឹត្តិការណ៍ជាមួយនឹងការចាញ់៤លើក និងមិនអាចសូម្បីតែយកឈ្នះលើក្រុមបាតតារាង វ៉េណេស៊ុយអេឡា។
ខ្សែបម្រើប្រយុទ្ធ James បានជួបបញ្ហាសុខភាព ហើយរូបគេពិតជាមិនស្ថិតក្នុងកម្រិតដូចគ្នាឡើយ ចាប់តាំងពីផ្ទេរទៅកាន់ក្លិប Real Madrid ក្រោយពីជោគជ័យក្នុងព្រឹត្តិការណ៍ FIFA World Cup2014 ។ ខ្សែប្រយុទ្ធ Radamel Falcao ក៏បានជួបបញ្ហារបួសធ្ងន់ធ្ងរផងដែរក្រោយពីព្រឹត្តិការណ៍ FIFA World Cup កាលពីមុន បើទោះបីរូបគេបានស្ថិតក្នុងទម្រង់លេងដ៏អស្ចារ្យកាលពីប៉ុន្មានរដូវកាលចុងក្រោយនេះក៏ដោយ ដែលធ្វើឱ្យការតស៊ូរបស់កូឡុំប៊ី ក្នុងវគ្គជម្រុះមានលក្ខណៈចម្លែកបន្តិច ។
Falcao មិនបាននាំយកទម្រង់លេងយ៉ាងល្អឥតខ្ចោះរបស់គេទៅកាន់ការប្រកួតអន្តរជាតិឡើយ ដោយរកបានតែ២គ្រាប់ប៉ុណ្ណោះអំឡុងពេលនៃការប្រកួតជម្រុះ។ កីឡាករឆ្នើមផ្សេងៗទៀតដូចជា Carlos Bacca ក៏មិនបានឈានទៅកាន់កម្រិតបន្ទាប់ផងដែរ ដូច្នេះនៅទីបញ្ចប់ ក្រោយពីជួបការលំបាកដូចទៅនឹងគូប្រជែងដណ្តើមពានផ្សេងទៀតសម្រាប់ FIFA World Cup ក្រុមជម្រើសជាតិកូឡុំប៊ី ត្រូវតែមានការរីករាយដែលពួកគេអាចមានវត្តមានក្នុងប្រទេសរុស្ស៊ី ។
ក្រុមបាល់ទាត់ជម្រើសជាតិជប៉ុន បានជួបផ្លូវដ៏ងាយស្រួលជាងទៅកាន់ព្រឹត្តិការណ៍ FIFA World Cup 2018 ដោយក្រុមរបស់គេឈរក្នុងលំដាប់លើក្រុមជម្រើសជាតិអារ៉ាប៊ីសាអ៊ូឌីត និងក្រុមជម្រើសជាតិអូស្ត្រាលី ។ ពួកគេសង្ឃឹមថា នឹងស្តារមុខមាត់ត្រឡប់មកវិញ ក្រោយពីបានបញ្ចប់ដោយស្ថិតនៅបាតតារាងនៃពូលរបស់ពួកគេ កាលពីឆ្នាំ២០១៤ ដែលក៏មានក្រុមជម្រើសជាតិកូឡុំប៊ី ផងដែរ ។ កាលនោះ ក្រុមជម្រើសជាតិកូឡុំប៊ី បានផ្តួលក្រុមដែលមានរហស្សនាមថា«សាម៉ូរ៉ៃ»ក្នុងលទ្ធផល៤-១ក្នុងការជួបគ្នាជាលើកទី៣រវាងក្រុមទាំង២ ។ ក្រុមជម្រើសជាតិកូឡុំប៊ី មិនស្គាល់ចាញ់សោះមកទល់ពេលនេះ ដោយឈ្នះ២លើក។
ក្រោមការដឹកនាំរបស់គ្រូបង្វឹកសញ្ជាតិប៊ូស្នី លោក Vahid Halilhodzic ក្រុមបាល់ទាត់ជម្រើសជាតិជប៉ុន បានធ្វើការងារដ៏ល្អក្នុងការប្រកួតជម្រុះ ប៉ុន្តែពួកគេក៏មានការបារម្ភជាច្រើនផងដែរ ។ ពួកគេបានធ្លាក់ចេញពីចំណាត់ថ្នាក់កំពូលទាំង៥០នៅលើតារាង FIFA និងមិនមានកម្រិតលេងដូចក្រុមមកពីអឺរ៉ុប និងអាមេរិកខាងត្បូងទៀតឡើយ ។ វីរបុរសជាច្រើនក្នុងព្រឹត្តិការណ៍ World Cup ឆ្នាំ២០០២ និង២០១០ សុទ្ធសឹងបានចូលនិវត្តន៍ ហើយក្រុមកីឡាករថ្មីមិនមានកម្រិតដូចពួកគេឡើយ ។
កីឡាករភាគច្រើនក្នុងក្រុមជម្រើសជាតិពួកគេសុទ្ធសឹងលេងក្នុងលីគរបស់ក្របខ័ណ្ឌអឺរ៉ុបជាច្រើនឆ្នាំ ។ ការធ្លាក់ចុះទម្រង់លេងរបស់ពួកគេបានធ្វើឲ្យលោក Halilhodzic បាត់បង់ការងារកាលពីខែមីនា ខណៈលោក Akira Nishino ត្រូវបានតែងតាំងជំនួសវិញ។ វាគឺជាការប្រកួតដ៏ស្វិតស្វាញមួយរវាងក្រុមទាំង២ដែលកំពុងតែស្ថិតនៅចំកណ្តាលនៃការព្យាយាមវិលទៅរកភាពខ្លាំងដូចគ្នា ។
ក្រុមទាំង២ពោរពេញដោយកីឡាករប្រកបដោយទេពកោសល្យដូចគ្នា ប៉ុន្តែពួកគេមិនអាចបង្ហាញពីភាពខ្លាំងក្នុងរយៈពេលប៉ុន្មានឆ្នាំចុងក្រោយនេះឡើយ ។ ព្រឹត្តិការណ៍ FIFA World Cup ដ៏ធំអាចនឹងជួយឲ្យពួកគេបញ្ចេញសក្តានុពលរៀងខ្លួន ។ វាហាក់ដូចជាការប្រកួត World Cup ដ៏កម្រដែលទាក់ទងនឹងប្រទេសកូឡុំប៊ី ដូច្នេះយើងគួរតែកំណត់ការប្រកួតដ៏អស្ចារ្យមួយ។
ការប្រកួត៤លើកក្នុងចំណោម៥លើករបស់ក្រុមជម្រើសជាតិកូឡុំប៊ី បានបញ្ចប់ដោយការរកគ្រាប់បាល់លើស២.៥ក្នុងព្រឹត្តិការណ៍ FIFA World Cup ចុងក្រោយ ហើយក្រុមជម្រើសជាតិជប៉ុន មានលទ្ធផលបែបនេះ២លើកក្នុងចំណោមការប្រកួត៣លើក ។ ក្រុមទាំងពីរសុទ្ធសឹងមានភាពមុតស្រួចក្នុងការប្រយុទ្ធដូចគ្នា ហេតុនេះ ការប្រកួតវគ្គចែកពូលH គួរតែចាប់ផ្តើមជាមួយនឹងការវាយសម្រុកគ្នាដ៏ស្វិតស្វាញ ខណៈក្រុមទាំង២នឹងសម្លឹងរកជ័យជម្នះនៅថ្ងៃបើកឆាកដូចគ្នា។
ផ្អែកតាមសមត្ថភាពកីឡាករនាពេលបច្ចុប្បន្ន និងបទពិសោធន៍ប្រកួតនៅព្រឹត្តិការណ៍ធំៗនាពេលកន្លងមក គេហទំព័រទស្សន៍ទាយកីឡាបានទាយថា កូឡុំប៊ីនឹងយកឈ្នះគូប្រកួតក្នុងជំនួបជាមួយជប៉ុននាវេលាម៉ោង៧យប់នេះ ៕
ចែករំលែកព័តមាននេះ