សពអ្នកម្នាងអ៊ុក ផល្លា អាចត្រូវបូជានៅថ្ងៃទី២០ មិថុនា ខាងមុខ…
- ភ្នំពេញ
រាជធានីភ្នំពេញ ៖ មន្ត្រីគណបក្សហ្វុ៊នស៊ិនប៉ិច បានចូលគោរពវិញ្ញាណក្ខន្ធអ្នកម្នាង អ៊ុក ផល្លា នៅវត្តបុទុម វតីបន្តបន្ទាប់ នៅព្រឹកថ្ងៃទី១៨ ខែមិថុនា…
រាជធានីភ្នំពេញ ៖ មន្ត្រីគណបក្សហ្វុ៊នស៊ិនប៉ិច បានចូលគោរពវិញ្ញាណក្ខន្ធអ្នកម្នាង អ៊ុក ផល្លា នៅវត្តបុទុម វតីបន្តបន្ទាប់ នៅព្រឹកថ្ងៃទី១៨ ខែមិថុនា…
រាជធានីភ្នំពេញ ៖ មន្ត្រីគណបក្សហ្វុ៊នស៊ិនប៉ិច បានចូលគោរពវិញ្ញាណក្ខន្ធអ្នកម្នាង អ៊ុក ផល្លា នៅវត្តបុទុម
វតីបន្តបន្ទាប់ នៅព្រឹកថ្ងៃទី១៨ ខែមិថុនា ។ តាមព័ត៌មានអ្នកចូលរួមបានបង្ហើបថា សពអ្នកម្នាងអាចតម្កល់រយៈពេលប្រមាណ៧ថ្ងៃទើបបូជា ។ សពរបស់អ្នកម្នាង ត្រូវបានរថយន្តសង្គ្រោះដឹកចេញពីមន្ទីរពេទ្យរ៉ូយ៉ាល់រតនៈ មកកាន់កន្លែងតម្កល់សពក្នុងវត្តបទុមវតី ។ ប្រភពព័ត៌មានពីអ្នកចូលរួមបានលើកឡើងថា សពអ្នកម្នាង អ៊ុក ផល្លា ត្រូវបានគេរុំដោយក្រណាត់ស នាំចេញពីបន្ទប់តម្កល់សពនៃមន្ទីរពេទ្យរ៉ូយ៉ាល់រតនៈ រួចដាក់ក្នុងរថយន្តមន្ទីរពេទ្យដឹកនាំ ឆ្ពោះមកវត្តបុទុមវតីតែម្តង តាមការសម្រេចរបស់គណៈកម្មការរៀបចំបុណ្យនៃគណបក្សហ្វុ៊នស៊ិនប៉ិច ។
យោងតាមមន្ត្រីគណបក្សបានលើកឡើងថា គិតត្រឹមម៉ោង៩ព្រឹកថ្ងៃទី១៨ មិថុនា មន្ត្រីគណបក្សហ្វុ៊នស៊ិនប៉ិចជាច្រើននាក់ បានទៅដល់ទីកន្លែងតម្កល់សព ក្នុងបរិវេណវត្តបទុមវតី ។ ពេលសពបានដឹកដល់ក៏បានរំកិលចេញពីរថយន្តដោយមានសំពត់សរុំផង បានរំកិលដាក់លើកំណល់ក្នុងរោងបុណ្យមិនទាន់ចាត់ចែងនៅឡើយ ។ គិតដល់ម៉ោង១១ព្រឹកថ្ងៃទី១៨ មិថុនា មន្ត្រីគណបក្សហ្វុ៊នស៊ិនប៉ិចជាច្រើនរូប បានអញ្ជើញមកចូលក្នុងពិធីបុណ្យសពអ្នកម្នាងបន្តបន្ទាប់ នៅក្នុងបរិវេណវត្តបទុមវតី ។
គេបានឃើញលោក យូ ហុកគ្រី អនុប្រធានគណបក្សហ្វុ៊នស៊ិនប៉ិច និងជាអនុប្រធានទី១រដ្ឋសភា បានដឹកនាំគណៈប្រតិភូគណបក្សហ្វុ៊នស៊ិនប៉ិចចូលរួមគោរពវិញ្ញាណក្ខន្ធអ្នកម្នាង ។ ជាមួយគ្នានេះដែរ គេបានឃើញវត្តមានសម្តេចចៅហ្វាវាំង គង់ សំអុល ក៏អញ្ជើញចូលរួមគោរពវិញ្ញាណក្ខន្ធសពដែរ ។ តាមប្រភពព័ត៌មានពីលោក យូ ហុកគ្រី ថា សពអ្នកម្នាងអាចត្រូវបូជានៅថ្ងៃទី២០ មិថុនា ខាងមុខ តែលោកក៏មិនច្បាស់នៅឡើយនោះទេ ដោយផ្អែកទៅលើការប្រជុំពិភាក្សាគ្នាឱ្យច្បាស់លាស់ផងដែរ ទើបមានការសម្រេចជាផ្លូវការបែបណានោះ ។
ចែករំលែកព័តមាននេះ