រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែក បើករថយន្តមួយគ្រឿងបោះពួយយ៉ាងលឿនដូចហោះរេចង្កូតជ្រុលទៅបុកគូទរថយន្តសាំយ៉ុងមួយគ្រឿងទៀត ដែលឈប់ចតនៅលើចិញ្ចើមផ្លូវចំពីក្រោយពេញទំហឹង បណ្តាលឲ្យអ្នកបើកបររថយន្តបង្ករងរបួសបែកក្បាល ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១និង៤០នាទីរំលងអធ្រាត្រឈានចូលថ្ងៃទី១៤ ខែមិថុនា ឆ្នាំ២០១៨…
រាជធានីភ្នំពេញ ៖ បុរសម្នាក់ស្រវឹងធ្លាក់ភ្នែក បើករថយន្តមួយគ្រឿងបោះពួយយ៉ាងលឿនដូចហោះរេចង្កូតជ្រុលទៅបុកគូទរថយន្តសាំយ៉ុងមួយគ្រឿងទៀត ដែលឈប់ចតនៅលើចិញ្ចើមផ្លូវចំពីក្រោយពេញទំហឹង បណ្តាលឲ្យអ្នកបើកបររថយន្តបង្ករងរបួសបែកក្បាល ។ ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង១និង៤០នាទីរំលងអធ្រាត្រឈានចូលថ្ងៃទី១៤ ខែមិថុនា ឆ្នាំ២០១៨ ត្រង់ចំណុចផ្សារនាគមាស តាមបណ្តោយផ្លូវម៉ៅសេទុង ស្ថិតក្នុងសង្កាត់ផ្សារដើមគ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់ស្រវឹងជោគជាំបើកបររថយន្តមួយគ្រឿងម៉ាកកាមរីហាយប្រ៊ីត ពណ៌ទឹកប្រាក់ ពាក់ស្លាកលេខ ភ្នំពេញ2Z-9325 ធ្វើដំណើរតាមបណ្តោយផ្លូវម៉ៅសេទុងក្នុងទិសដៅពីត្បូងទៅជើង និងក្នុងល្បឿនយ៉ាងលឿនដូចហោះ ។ លុះមកដល់ចំណុចកើតហេតុ ស្រាប់រថយន្តបង្ករេចង្កូតទៅខាងស្តាំទៅបុកគូទរថយន្តមួយគ្រឿងទៀត ពណ៌សំបកឳឡឹក ពាក់ស្លាកលេខ កំពង់ស្ពឺ2A-5517 ជាប្រភេទរថយន្តសាំយ៉ុងដឹងផ្លែឈើដែលឈប់ចតចោលនៅចិញ្ចើមផ្លូវចំពីក្រោយពេញទំហឹង បណ្តាលឲ្យរថយន្តសាំយ៉ុងប៉ើងជិត១០ម៉ែត្ររងការខូចខាតក្រពឹតផ្នែកខាងក្រោយយ៉ាងដំណំ ។
ចំណែកឯរថយន្តបង្ករងការខូចខាតផ្នែកខាងមុខស្ទើរទាំងស្រុង រីឯអ្នកបើកបររថយន្តបង្កបានបោកក្បាល និងកញ្ចក់រថយន្តរងរបួសបែកក្បាលត្រូវបានសាច់ញាតិដឹកតាមរថយន្តយកទៅសង្គ្រោះនៅមន្ទីរពេទ្យ ។
ក្រោយពេលសមត្ថកិច្ចមូលដ្ឋានបានចុះមកដល់ចំណុចកើតហេតុហើយទាក់ទងទៅសមត្ថកិច្ចជំនាញឲ្យចុះមកធ្វើការវាស់វែងយករថយន្តទាំងពីរទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយគ្នាទៅតាមផ្លូវច្បាប់នៅពេលក្រោយ ៕
ចែករំលែកព័តមាននេះ