រាជធានីភ្នំពេញ ៖ នារីស្រស់សោភាម្នាក់បើកបររថយន្តស៊េរីទំនើបមួយគ្រឿងទើបនឹងទិញបានថ្មីៗបើកច្រឡំផ្លូវបត់ចូលផ្ទះក៏បើកជ្រុលទៅធ្លាក់កង់ចូលមាត់ច្រកចំណតក្រោមដីរបស់អាគារកំពុងជួសជុលមួយកន្លែង តែមិនបង្កឲ្យមានរងការខូចខាតនោះទេ ។ ហេតុការណ៍នេះកើតឡើងកាលពីវេលាម៉ោង១១យប់ថ្ងៃទី១០ ខែមិថុនា ឆ្នាំ២០១៨ ត្រង់ចំណុចខាងមុខអាគារកំពុងជួសជុលមួយកន្លែង តាមបណ្តោយផ្លូវ២៧១ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញនារីរូបស្រស់ម្នាក់បើកបររថយន្តស៊េរីទំនើបមួយគ្រឿងម៉ាកឡង់គ្រីស័រ ពណ៌ស គ្មានស្លាកលេខធ្វើដំណើរតាមបណ្តោយផ្លូវ២៧១ ក្នុងទិសដៅពីលិចទៅកើតលុះមកដល់ចំណុចកើតហេតុរថយន្តខាងលើក៏រេចង្កូតទៅខាងស្តាំជ្រុលទៅធ្លាក់កង់ខាងមុខចំហៀងខាងឆ្វេង ចូលច្រកចូលចំណតក្រោមដីរបស់អាគារខាងលើ តែមិនបង្កឲ្យរងការខូចខាតនេះទេ ។
ប្រភពដដែលបន្តថា បន្ទាប់មកនារីរូបស្រស់ដែលជាអ្នកបើកបរថយន្តខាងលើបានចុះមកពីលើរថយន្ត ហើយបានឲ្យប្រជាពលរដ្ឋដែលនៅក្បែរនោះជួយលើករថយន្តរបស់ខ្លួនយកមកលើវិញ ថែមទាំងបានប្រាប់ថា រថយន្តរបស់នាង គឺទើបតែទិញថ្ងៃមិញនោះព្រោះ តែនាងច្រឡំស្មានតែផ្លូវបត់ចូលផ្ទះរបស់នាង ទើបបង្កឲ្យមានករណីខាងលើនេះតែម្តង បន្ទាប់មកនារីរូបស្រស់ខាងលើក៏បានគេចខ្លួនចេញពីកន្លែងកើតហេតុបាត់ទៅ ។
ក្រោយពេលកើតហេតុសមត្ថកិច្ចមូលដ្ឋានក៏បានចុះមកដល់ចំណុចកើតហេតុ ហើយដោយសារតែរថយន្តមិនបង្កឲ្យមានការខូចខាតក៏ដូចជា គ្រោះថ្នាក់ដល់អ្នកដទៃសមត្ថកិច្ចក៏បានទាក់ទៅហៅម្ចាស់រថយន្ត ដើម្បីឲ្យមកមកធ្វើការស្ទូចយករថយន្តត្រឡប់ទៅវិញ ៕
ចែករំលែកព័តមាននេះ