សារព័ត៌មានរបស់ចិនកាលពីពេល ថ្មីៗកន្លងមកផ្សាយថា បុរសម្នាក់បានចំណាយទុនជួលមនុស្សឲ្យបត់ក្រដាសប្រាក់ចំនួន ៣៣៤.៤០០ យាន់ ឬប្រហែល៥មុឺនដុល្លារ ធ្វើជាកម្រងផ្កា ច្នៃរូបបេះដូងដ៏ធំប្រគល់ជាកាដូក្នុងថ្ងៃខួបកំណើតរបស់គូស្នេហ៍ ។ ពិធីនោះបានរៀបចំឡើងកាលពីពេលថ្មីៗកន្លងមក…
សារព័ត៌មានរបស់ចិនកាលពីពេល ថ្មីៗកន្លងមកផ្សាយថា បុរសម្នាក់បានចំណាយទុនជួលមនុស្សឲ្យបត់ក្រដាសប្រាក់ចំនួន ៣៣៤.៤០០ យាន់ ឬប្រហែល៥មុឺនដុល្លារ ធ្វើជាកម្រងផ្កា ច្នៃរូបបេះដូងដ៏ធំប្រគល់ជាកាដូក្នុងថ្ងៃខួបកំណើតរបស់គូស្នេហ៍ ។
ពិធីនោះបានរៀបចំឡើងកាលពីពេលថ្មីៗកន្លងមក នៅឯបន្ទប់VIP ជាន់ទី៦១នៃសណ្ឋាគារមួយកន្លែងក្នុងខណ្ឌជាងបុើយ ក្រុងឆុងជឹង ភាគខាងលិចឆៀងខាងជើងប្រទេសចិន ។ នៅក្នុងវីដេអូឃ្លីបបានបង្ហាញឲ្យឃើញស្ត្រីម្នាក់ជាម្ចាស់ខួបកំណើតបានឈរញញឹមដោយមានកាន់បាច់ផ្ការូបបេះដូងដ៏ធំច្នៃពីក្រដាសប្រាក់តម្លៃ១០០យាន់ ។
តាមការសាកសួរអ្នកជំនិតម្នាក់នៅក្នុងពិធីបានឲ្យដឹងថាបុរសដែលចំណាយប្រាក់ដ៏មហាសាលនេះ ព្រោះពួកគេបានស្គាល់គូស្នេហ៍អស់រយៈពេលយូរ និងបានស្រឡាញ់គ្នាយ៉ាងជ្រាលជ្រៅ ។ ក្រោយមកប្រភពនោះបានបែកសុសសាយតាមប្រព័ន្ធ«អនឡាញ» មានអ្នកខ្លះបានសម្តែងការយល់ឃើញថាបានច្រណែនទៅលើការមានសំណាងរបស់នារីនោះ ប៉ុន្តែក៏មានខ្លះទៀតយល់ថាធ្វើបែបនេះជារឿងខុសច្បាប់ ?
ចំណែកធនាគារកណ្ដាលរបស់ចិនបានបញ្ជាក់ថា នោះគឺជារឿងខុសច្បាប់ ព្រោះមានចេតនាបំផ្លាញក្រដាសប្រាក់ វាអាចផ្ដល់ផលប៉ះពាល់ដល់ប្រទេស ៕
ចែករំលែកព័តមាននេះ