អ្នកនាំពាក្យCPP៖ការដាក់ទណ្ឌកម្មអូស្ត្រាលីជាសិទ្ធតែមិនប៉ះពាល់ដល់អធិបតេយ្យភាពកម្ពុជា

ថ្ងៃទី ០៣ ខែ មិថុនា ឆ្នាំ ២០១៨
ម៉ោង ១៥:៣២
អ៊ាង ប៊ុនរិទ្ធ

រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសានបានហៅការព្រមានដាក់ទណ្ឌកម្មរបស់រដ្ឋាភិបាលអូស្ត្រាលីបិទទិដ្ឋាការចំពោះមន្ត្រីជាន់ខ្ពស់រាជរដ្ឋាភិបាលកម្ពុជា គឺជាសិទ្ធិសេរីភាពខ្លួនដែលមិនប៉ះពាល់អធិបតេយ្យកម្ពុជាឡើយ ។

ការអះអាងរបស់អ្នកនាំពាក្យគណបក្សប្រជាជនកម្ពុជាធ្វើឡើងបន្ទាប់ពីមន្ត្រីជាន់ខ្ពស់ក្រសួងការបរទេសអូស្ត្រាលីកាលពីពេលថ្មីៗកន្លងមកនេះបានឲ្យដឹងថា រដ្ឋាភិបាលអូស្ត្រាលីកំពុងពិចារណាបិទទិដ្ឋការចំពោះមន្ត្រីជាន់ខ្ពស់រដ្ឋាភិបាលកម្ពុជាដែលពាក់ព័ន្ធនឹងការការរំលោភសិទ្ធិមនុស្សនៅកម្ពុជា ។

លោកសុខ ឥសានបានបញ្ជាក់ឲ្យដឹងនៅថ្ងៃទី៣ មិថុនា ឆ្នាំ២០១៨ថា«ការលេីកឡេីងនូវការដាក់ទណ្ឌកម្មណាមួយរបស់មន្ត្រីអូស្ត្រាលី វាគ្រាន់តែជាសិទ្ធិរបស់គាត់សិទ្ធិនេះមិនមានប្រសិទ្ធភាពមកលេីឯករាជ្យ និងអធិបតេយ្យភាពរបស់កម្ពុជាឡេីយ ។ ដូច្នេះជាទស្សនភ្លីភ្លេ ដែលរង់ចាំសុីផលពីការដាក់ទណ្ឌកម្មរបស់អូស្ត្រាលីមកលេីកម្ពុជានោះគ្មានបានការទេ» ។

បើតាមការផ្សាយរបស់វិទ្យាបារាំងបានស្រង់សំដីលោកស្រី ជូលី ហិចឆ័រ(Julie Heckscher) មន្ត្រី នាយកដ្ឋានកិច្ចការបរទេស និងពាណិជ្ជកម្មនៃក្រសួងការបរទេសអូស្ត្រាលីបានអះអាងថា រដ្ឋាភិបាលអូស្ត្រាលីនៅតែបារម្ភខ្លាំងអំពីវិបត្តិស្ថានការណ៍នយោបាយនៅកម្ពុជាដែលអាចប៉ះទង្គិច ដល់លទ្ធផលបោះឆ្នោតជាតិនាខែកក្កដា ខាងមុខ ។

នៅចំពោះមុខគណៈកម្មាធិការកិច្ចការបរទេសការពារជាតិ និងពាណិជ្ជកម្មនៃព្រឹទ្ធសភា អូស្ត្រាលីកាលពីថ្ងៃទី៣១ ខែឧសភាកន្លងមកលោកស្រី ជូលី ហិចឆ័របានព្រមានថា ដំណើរការ បោះឆ្នោតនៅកម្ពុជាពេលខាងមុខនឹងមិនអាចជឿទុកចិត្តបានទេ ដរាបណាគណបក្សប្រឆាំងរង ការធ្វើទុក្ខបុកម្នេញធ្ងន់ធ្ងរនោះ ។

លោក ស្រីបន្តថា រដ្ឋាភិបាលអូស្ត្រាលីនឹងបន្តយកចិត្តទុកដាក់ខ្ពស់ក្នុងការតាមដានស្ថានការណ៍ នយោបាយនៅកម្ពុជានៅមុនការបោះឆ្នោតជាតិនាខែកក្កដា ខាងមុខនេះ ។

បើតាមលោកស្រី ជូលី ហិចឆ័រ រដ្ឋាភិបាលអូស្ត្រាលីកំពុងពិចារណាបិទទិដ្ឋាការចំពោះមន្ត្រីជាន់ ខ្ពស់របស់រដ្ឋាភិបាលកម្ពុជាដែលពាក់ព័ន្ធក្នុងការរំលោភសិទ្ធិមនុស្ស និងបំផ្លាញដល់មូលដ្ឋាន គ្រឹះនៃលទ្ធិប្រជាធិបតេយ្យនៅកម្ពុជា ។

យ៉ាងណាក៏លោកសុខ ឥសានអ្នកនាំពាក្យគណបក្សប្រជាជនកម្ពុជាបានចាត់ទុកការលើក ឡើងរបស់លោកស្រីជូលីហិចឆ័រថា ជាការជ្រៀតជ្រែកកិច្ចការផ្ទៃក្នុងកម្ពុជា និងថាវាគ្រាន់តែ មតិរបស់មន្ត្រីថ្នាក់ទាបប៉ុណ្ណោះ មិនមែនជាជំហររបស់ក្រសួងការបរទេសអូស្ត្រាលីនោះទេ ។

លោកបន្តថា ប្រសិនបើអូស្ត្រាលីបិទទិដ្ឋាការដល់មន្ត្រីកម្ពុជាមែនលោកយល់ថា ជាការរំលោភ លើធម្មនុញ្ញអង្គការសហប្រជាជាតិ និងធម្មនុញ្ញអាស៊ាន ។
រហូតមកទល់ពេលនេះមានតែសហរដ្ឋអាមេរិកទេដែលចេញមុខមុនគេក្នុងការបិទទិដ្ឋាការដល់ មន្ត្រីជាន់ខ្ពស់ក្រសួងការបរទេសកម្ពុជា ខណៈក្រុមតំណាងរាស្ត្ររបស់ប្រទេសមហាអំណាច មួយនេះកំពុងដំណើរការធ្វើច្បាប់បង្កទ្រព្យសម្បត្តិរបស់ក្រុមមន្ត្រី កម្ពុជាថែមទៀត ។

លោកគូសបញ្ជាក់ថា« ការចង់ឲ្យបរទេសដាក់ទណ្ឌកម្មមកលើរាជរដ្ឋាភិបាលកម្ពុជា និងមន្ត្រី ជាន់ខ្ពស់របស់រាជរដ្ឋាភិបាល ព្ញតែនិយាយតែមិនឃើញចេញជាលទ្ធផលជាក់ស្តែងនៅឡើយ មិនមានអ្វីជាដុំកំភួនទេ ។ ដូច្នេះ គឺជាទស្សនៈភ្លីភ្លើដែលនិយាយថា បរទេសបានដាក់ទណ្ឌកម្ម ប្ញគំនាបមកលើរាជរដ្ឋាភិបាលកម្ពុជា ។ ដូច្នេះកុំសង្ឃឹមលើបរទេសឲ្យសោះ» ។

ទាក់ទិននឹងការបោះឆ្នោតវិញលោកថា គ្មានអ្នកណាមករារាំងមិនឲ្យមានដំណើរបោះឆ្នោតបាននោះទេ គឺគណៈកម្មាធិការជាតិរៀបចំការបោះឆ្នោតបានរៀបចំរួចហើយ ដោយមានគណបក្សនយោបាយចំនួន២០ចូលរួមប្រកួតប្រជែងសម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៦ ឆ្នាំ២០១៨ដែលនឹងប្រព្រឹត្តទៅនៅថ្ងៃទី២៩ ខែកក្កថា ឆ្នាំ២០១៨ ខាងមុខនេះ ៕