រាជធានីភ្នំពេញ ៖ បាត់មុខពីពិភពសិល្បៈអស់រយៈពេលជាង១០ឆ្នាំមកហើយសម្រាប់តារាសម្តែងស្រីវ៉េង តារាវរឌី ។ តើក្នុងរយៈពេលជាយូរនោះនាងទៅណា ហើយធ្វើអ្វី ហេតុអីបោះបង់ចោលអាជីពសិល្បៈ ? អតីតតារាសម្តែង អ្នកនាងវ៉េង តារាវរឌី ធ្លាប់មានប្រវត្តិចូលបម្រើវិស័យសិល្បៈសម្តែងបន្ទាប់ពីនាងទទួលបានពានរង្វាន់ជាស្រីស្អាត ក្នុងកម្មវិធីប្រកួតកញ្ញាឯក នួនអាណុង និងនីកុន ។
ការចាកចេញពីពិភពសិល្បៈរបស់អ្នកនាងវ៉េង តារាវរឌី ដោយសារតែនាងរកឃើញអាជីថ្មីដែលធ្វើឲ្យជីវិតប្រសើរឡើង ។ ក្នុុងជំនួបជាមួយភ្នាក់ងារកោះសន្តិភាពកាលពីពេល ថ្មីៗកន្លងមកអតីតតារាសម្តែងវរឌី និយាយរៀបរាប់ឲ្យដឹងថាថា នាងចាកចេញពីសិល្បៈព្រោះតែនាងងាកទៅប្រកបមុខជំនួញ ។ មុខជំនួញថ្មីរបស់នាងនៅខាងក្រោយកាហ្វេ Brown សួនច្បារវត្តបទុមវត្តី ចំណាយទុនជាង៥ម៉ឺនដុល្លារ ដែលបម្រើកាហ្វេ អាហារពេលព្រឹក ថ្ងៃត្រង់ និងគ្រឿងក្លែមពេលល្ងាច ។ ជំនួញនេះនាងមិនបានគ្រប់គ្រងដិតដល់ទេ ព្រោះតែត្រូវបំពេញការងារខាងក្រៅផងដែរ ដោយនាងគឺជាជំនួយការផ្ទាល់អគ្គនាយកក្រុមហ៊ុនមួយត្រូវចេញចូលក្រៅប្រទេស ជាញឹកញាប់ ។
ទោះបីជាមានការផ្ដល់ឱកាសពីក្រុមផលិតករជាថ្មីយ៉ាងណាក៏ដោយ អ្នកនាងវ៉េង តារាវឌី ថា «ដាច់ខាតខ្ញុំមិនលេចមុខនៅក្នុងអាជីពសម្ដែងទេ ដើម្បីទុកពេលមើលខុសត្រូវភោជនីយដ្ឋានដែលទើបដំណើរនៅម្ដុំរដ្ឋសភាចាស់ និងដើម្បីកុំឱ្យ ក្មេងៗសើចយំនាងខ្ញុំបើនាងខ្ញុំស្រាប់តែបង្ហាញមុខជាថ្មីនោះ ។ អត់ទេ ! រឿងសិល្បៈស្រឡាញ់ណាស់ ប៉ុន្តែបើឱ្យទៅសម្ដែងជាថ្មីសុំអត់ទេ ព្រោះតែយើចាស់ហើយ ម្យ៉ាងគួរទុកឱ្យ ក្មេងៗចុះ!»។
អ្នកនាងវ៉េង តារាវឌី នៅនឹករលឹកដល់អាជីពសម្ដែង និងថតម៉ូដ កាលពីនៅក្មេងស្រស់ស្អាត ហើយពេលនេះក្នុងវ័យចំណាស់បន្តិចមិនអាចត្រឡប់វិញបាន ។ នាងសរសើរពីតារាសម្ដែងមួយចំនួនដែលក្រៅពីស្រស់ស្អាត វ័យក្មេង ក៏មានទេពកោសល្យសម្តែងល្អ។
អ្នកនាងវ៉េង តារាវរឌី មានបងស្រីជាតារាសម្ដែងជើងចាស់ម្នាក់ដែរ គឺអ្នកនាងវ៉េង សូដានី ។
អ្នកនាងវ៉េង សារ៉ាវឌី បានថ្លែងបញ្ជាក់ថា ក្រោយពីជាប់តំណែងជាស្រីស្អាតនួនអាណុង មកនាងបានចូលរួមថតម៉ូដ ព្រមទាំងសម្តែងខារ៉ាអូខេ ។ ក្នុងអំឡុងពេលនោះនាងមានស្វាមីក៏ចាកចេញទៅរស់នៅប្រទេសអូស្ត្រាលី ។ ការរស់នៅទីនោះនាងមិនបានបន្តអាជីពជាតារាសម្ដែង ឬជាតារាចម្រៀងនោះឡើយ ៕
ចែករំលែកព័តមាននេះ