បណ្តេញជនជាតិចិន និងវៀតណាម៩នាក់ ឱ្យទៅកាន់ស្រុកកំណើតវិញ
- ភ្នំពេញ
រាជធានីភ្នំពេញ ៖ នៅព្រឹកថ្ងៃទី២៥ ខែឧសភា ឆ្នាំ២០១៨នេះ កម្លាំងនាយកដ្ឋានស៊ើបអង្កេត និង អនុវត្តនីតិវិធី នៃអគ្គនាយកដ្ឋាន អន្តោប្រវេសន៍…
រាជធានីភ្នំពេញ ៖ នៅព្រឹកថ្ងៃទី២៥ ខែឧសភា ឆ្នាំ២០១៨នេះ កម្លាំងនាយកដ្ឋានស៊ើបអង្កេត និង អនុវត្តនីតិវិធី នៃអគ្គនាយកដ្ឋាន អន្តោប្រវេសន៍ បានធ្វើការបណ្តេញបុរសជនជាតិចិនចំនួន៤នាក់ ទៅតាមអាកាសយានដ្ឋានភ្នំពេញ និងជនជាតិវៀតណាម ប្រុសស្រី ចំនួន៥នាក់ (ស្រី៣នាក់) ទៀត ទៅតាមច្រកទ្វារអន្តរជាតិបន្ទាយចក្រី ដើម្បីឲ្យទៅកាន់ប្រទេសកំណើតរបស់ពួកគេរៀងៗខ្លួនវិញ។ តាមប្រភពព័ត៌មានពីនគរបាលអន្តោប្រវេសន៍ បានប្រាប់ឱ្យដឹងថា ក្នុងថ្ងៃនេះដែរ កម្លាំងអគ្គនាយកដ្ឋាន អន្តោប្រវេសន៍ នៃក្រសួងមហាផ្ទៃបានធ្វើការបណ្តេញបុរសៗជាជនជាតិចិនចំនួន៤នាក់ និង ជនជាតិវៀតណាមប្រុសស្រីចំនួន ៥នាក់ក្នុង នោះមានស្រី៣នាក់ផងដែរ ឲ្យទៅកាន់ប្រទេសកំណើត របស់ពួកគេវិញ។
ក្នុងនោះបុរសជនជាតិចិនចំនួន៣នាក់ ត្រូវបានកម្លាំងនាយកដ្ឋានស៊ើបអង្កេត និង អនុវត្តនិតិវិធី ចុះប្រតិបត្តិការបង្ក្រាបបទល្មើសជំរិតទារប្រាក់តាម ប្រព័ន្ធអ៊ីនធើណេត កាលពីថ្ងៃទី១៩ ខែ ឧសភា ឆ្នាំ២០១៨ នៅខេត្តកំពត និងម្នាក់ទៀតជាប់ពាក់ព័ន្ធទៅនឹងករណីគ្រឿងញៀន ក្រោយពីអនុវត្តទោសជាប់ព័ន្ធធនាគារអស់រយៈពេល២ឆ្នាំ៣ខែរួចហើយនោះ ទើបនាពេលនេះធ្វើការបណ្តេញចេញ ទៅតាមអាកាសយានដ្ឋានអន្តរជាតិភ្នំពេញ។ ចំណែកឯជនជាតិវៀតណាម ប្រុស ស្រីចំនួន ៥នាក់(ស្រី៣នាក់)ទៀតនោះ ក៏ត្រូវបានធ្វើការបណ្តេញចេញតាមរថយន្តទៅតាមច្រកទ្វារអន្តរាជាតិបន្ទាយចក្រីផងដែរ ដែលបាន ធ្វើការចាប់ឃាត់ខ្លួនបានកាលពីពេលថ្មីៗនេះ ក្រោយពីបានរកឃើញថា ពួកគេបានលួចចូលមកស្នាក់នៅ និងបំពេញការងារដោយខុសច្បាប់នៅក្នុងប្រទេសកម្ពុជា។
ជាចុងក្រោយកម្លាំងនគរបាលនាយកដ្ឋានស៊ើបអង្កេត និង អនុវត្តនិតិវិធីក៏បានធ្វើការផ្តាំផ្ញើទៅដល់ បណ្តាម្ចាស់ក្រុមហ៊ុន វិនិយោគ និងរោងចក្រទាំងអស់ថា ប្រសិនជាមានបំណងចង់ប្រើប្រាស់កម្លាំង ពលកម្មក្រៅស្រុកនោះ ត្រូវតែបំពេញឯកសារឲ្យបានត្រឹមត្រូវទៅតាមផ្លូវច្បាប់ បើមិនដូច្នោះទេនឹងត្រូវកម្លាំងនមានសមត្ថកិច្ចចុះទៅធ្វើការត្រួតពិនិត្យ និងចាប់បញ្ជូនទៅវិញមិនខាន៕
ចែករំលែកព័តមាននេះ