សារព័ត៌មានពីក្រុងShreveportរដ្ឋល្វីសុីណា សហរដ្ឋអាមេរិក កាលពីថ្ងៃទី២២ ឧសភា ២០១៨ផ្សាយថាការប្រកួតបវរកញ្ញាអាមេរិកប្រចាំឆ្នាំ២០១៨ លើកទី៦៧ ក្នុងជុំផ្ដាច់ព្រ័ត្របានរៀបចំឡើងនៅរមណីយដ្ឋានMargaritaville Resort Casino ក្រុងShreveport រដ្ឋល្វីសុីណា ដោយមានបេក្ខនារីតំណាងពី៥០រដ្ឋ និងតំបន់ស្វយ័តមួយរូបនៅក្រុងវ៉ាសុីនតោនចូលរួម ។
នាងសារ៉ា រ៉ូសសាមម័រ(Sarah Rose Summers) តំណាងបវរកញ្ញាពីរដ្ឋ Nebraska បានឈ្នះនៅក្នុងការប្រកួតប្រចាំប្រទេសនៅក្នុងឆ្នាំ២០១៨ និងជានារីមួយរូបបានបញ្ចប់ការសិក្សាផ្នែកថែទាំកុមារនៅមហាវិទ្យាល័យ«តិចសាស់គ្រីស្ទៀន» ។
លំដាប់ទី២បានទៅលើតំណាងបេក្ខនារីពីរដ្ឋន័រឃែរ៉ូឡៃណា ។
ចំណាត់ថ្នាក់ទី៣បានទៅលើតំណាងពីរដ្ឋណេវ៉ាដា ។
ចំណាត់ថ្នាក់លេខ៤ និងលេខ៥បានទៅលើបេក្ខនារីតំណាងពីរដ្ឋផ្លរីដា និងសៅដាហ្គោតា ៕
ចែករំលែកព័តមាននេះ