រាជធានីភ្នំពេញ ៖ ក្រសួងរ៉ែ និងថាមពលបានចេញសេចក្តីប្រកាសស្តីពីចចាមអារ៉ាមអំពីការរកឃើញរ៉ែមាស នៅទីតាំងការដ្ឋានសាងសង់ តំបន់សេដ្ឋកិច្ចចេជាង ក្នុងស្រុកព្រៃនប់ ខេត្តព្រះសីហនុ ដោយចេញសេចក្តីប្រកាសនៅថ្ងៃទី១៨ ខែឧសភានេះ ។
ដោយកាលពីសប្តាហ៍កន្លងទៅមានព័ត៌មាន ចចាមអារ៉ាមអំពីការរកឃើញរ៉ែមាស នៅទីតាំងការដ្ឋានសាងសង់ តំបន់សេដ្ឋកិច្ចចេជាង ក្នុងស្រុកព្រៃនប់ បានបង្កការភ្ញាក់ផ្អើលដល់ប្រជាពលរដ្ឋ ក៏ដូចជាអាជ្ញាធរនៅខេត្តព្រះសីហនុទាំងមូល ។
ដើម្បីស្វែងរកការពិតខាងលើនៅថ្ងៃទី០៣ ខែឧសភា ឆ្នាំ២០១៨ ក្នុងនាមជាក្រសួងទទួលបន្ទុកវីស័យរ៉ែ ក្រសួងរ៉ែ និងថាមពលបានចាត់បញ្ជូនក្រុមបច្ចេកទេសមួយចំនួនសហការជាមួយមន្ទីររ៉ែ និងថាមពលខេត្តព្រះសីហនុ និងអាជ្ញាធរស្រុកព្រៃនប់ ចុះទៅសិក្សាផ្ទាល់នៅទីតាំងការដ្ឋានដែលត្រូវបានផ្សព្វផ្សាយថា បានរកឃើញរ៉ែមាស ។
រ៉ែដែលត្រូវគេប្រទះឃើញមិនមែនជារ៉ែមាសដូចជាគេលើកឡើងដោយព័ត៌មានចចាមអារ៉ាមនោះទេ ប៉ុន្តែគឺជាប្រភេទរ៉ែពីរីតដែលជាបណ្តុំនៃសមាសធាតុដែក ៕
បញ្ជាក់ ៖ ព័ត៌មានលម្អិតមានក្នុងលិខិតខាងក្រោមនេះ ៖
ចែករំលែកព័តមាននេះ