ទីក្រុងឡុងដ៍ ៖ ប្រតិភូ៤រូបមកពីអង្គការនៃប្រទេសនាំចេញប្រេង (OPEC) បានឲ្យដឹងថា អង្គការនេះមើលឃើញថា តម្លៃប្រេងកើនឡើងដល់ជិត៨០ដុល្លារក្នុង១ធុង គឺជាកំណើនរយៈពេលខ្លីប៉ុណ្ណោះ ពីព្រោះមានការជំរុញពីភូមិសាស្ត្រនយោបាយ មិនមែនមកពីខ្វះខាតការផ្គត់ផ្គង់ទេ…
ទីក្រុងឡុងដ៍ ៖ ប្រតិភូ៤រូបមកពីអង្គការនៃប្រទេសនាំចេញប្រេង (OPEC) បានឲ្យដឹងថា អង្គការនេះមើលឃើញថា តម្លៃប្រេងកើនឡើងដល់ជិត៨០ដុល្លារក្នុង១ធុង គឺជាកំណើនរយៈពេលខ្លីប៉ុណ្ណោះ ពីព្រោះមានការជំរុញពីភូមិសាស្ត្រនយោបាយ មិនមែនមកពីខ្វះខាតការផ្គត់ផ្គង់ទេ ។
ប្រភពមួយមកពី OPEC បាននិយាយថា ក្រុមហ៊ុននាំចេញប្រេងធំៗនៅប្រទេសអារ៉ាប៊ីសាអូឌីតគិតថា រាល់កំណើនដែលបានជំរុញដោយការប៉ាន់ស្មាន គឺមិនគ្រប់គ្រាន់ឡើយសម្រាប់ការបង្កើនផលិតកម្មប្រេង ។ ប្រភពបន្តថា ដើម្បីសម្រេចបញ្ហានេះ តម្លៃត្រូវតែជំរុញដោយទិន្នន័យបង្ហាញពីឥទ្ធិពលការផ្គត់ផ្គង់ ។
ប្រតិភូទាំង៤រូបនេះបន្ថែមថា តម្លៃប្រេងកើនឡើងនាពេលថ្មីៗនេះ គឺដោយសារការព្រួយបារម្ភពីការដាក់ទណ្ឌកម្មរបស់អាមេរិកលើប្រទេសអ៊ីរ៉ង់ និងភាពតានតឹងនៅមជ្ឈិមបូព៌ា ។
គួរបញ្ជាក់ថា តាំងពីឆ្នាំមុនមក តម្លៃប្រេងបានជំរុញដោយកិច្ចព្រមព្រៀងរវាងប្រទេសក្នុង OPEC, រុស្ស៊ី និងប្រទេសមិនមែនជាសមាជិកដទៃ យល់ស្របថា នឹងកាត់បន្ថយផលិតកម្ម ។ តាំងពីកិច្ចព្រមព្រៀងបានអនុម័តនាខែមករា ឆ្នាំ២០១៧មក តម្លៃប្រេងបានកើនឡើង៤០% ។
ប៉ុន្តែកាលពីថ្ងៃអង្គារកន្លងមក តម្លៃប្រេងរបស់ Brent បានកើនដល់៧៩,៤៧ដុល្លារក្នុង១ធុង ដែលជាតម្លៃខ្ពស់ជាងគេតាំងពីខែវិច្ឆិកា ឆ្នាំ២០១៤មក មុននឹងធ្លាក់ចុះមកត្រឹម៧៨ដុល្លារក្នុង១ធុងវិញកាលពីថ្ងៃពុធ ។
ប្រភពមួយចំនួនពី OPEC បាននិយាយថា តម្លៃប្រេងអាចនឹងកើនឡើងបន្ថែមទៀត មុននឹងវាចាប់ផ្តើមធ្លាក់ចុះវិញ ។
តាមប្រភពមួយថា វាអាចកើនឡើងលើសពី៨០% ហើយធ្លាក់ចុះវិញ ។ ទោះជាយ៉ាងណា កំណើននេះមិនទាន់អាចបង្កឲ្យមានការព្រួយបារម្ភទេ ៕
ចែករំលែកព័តមាននេះ