មានវិធីសាស្ដ្រមួយចំនួនក្នុងការថែរក្សាក្ដីស្រលាញ់ និងភាពល្អូកល្អិនដល់ដៃគូដើម្បីឱ្យស្ថានភាពរស់នៅក្នុងក្រុមគ្រួសារយូរអង្វែង ។ ខាងក្រោមនេះជាវិធីសាស្ដ្រដែលត្រូវអនុវត្ដតាម និងសំរាប់កាត់បន្ថយអំពើហិង្សាក្នុងគ្រួសារ ៖
-កុំខ្មាសអៀនលើការប្រាប់ថា “ស្រលាញ់” ព្រោះមិនមែនជារឿងចំលែកដែលនិយាយពាក្យថា “ស្រលាញ់” ដល់មនុស្សណាម្នាក់ ដែលលោកអ្នកមានមនោសញ្ចេតនាល្អជាមួយឡើយ ។
-ត្រូវចងចាំព័ត៌មានលំអិតរបស់មនុស្សជាទីស្រលាញ់ដូចជាពាក្យថា ចូលចិត្ដទទួលទានអ្វី? ស្ដាប់បទចំរៀងណាមួយ?
-ផ្ដល់កិត្ដិយសដល់គ្នាទៅវិញទៅមកចាត់ទុកថា ជារឿងសំខាន់ កុំធ្វើការបកអាក្រាតរឿងផ្ទាល់ខ្លួនរបស់អ្នក ព្រោះធ្វើឱ្យភាគីម្ខាងទៀតមានអារម្មណ៍តប់ប្រមល់ ។
-កុំបណ្ដោយឱ្យអារម្មណ៍ឆេវឆាវនៅពីលើ “ក្ដីស្រលាញ់” ក្នុងអំឡុងពេលឈ្លោះប្រកែកគ្នា ត្រូវព្យាយាម និងគិតពីរឿងល្អៗ ដែលភាគីម្ខាងទៀតធ្លាប់ធ្វើនាពេលកន្លងមកអាចធ្វើឱ្យការខឹងសម្បា និងអារម្មណ៍ឆេវឆាវ មានការធូរស្រាល ។
-នៅពេលមានបញ្ហា គួរប្រើប្រាស់នូវហេតុផលនៃការពិគ្រោះគ្នា ។
-មានលក្ខណៈចេះសម្របខ្លួន ព្រោះគ្មាន អ្នកណាម្នាក់អាចផ្លាស់ប្ដូរខ្លួន សំរាប់អ្នកដទៃ បានយូរអង្វែងទេ ។
-ហាមកុហក ឬភូតភរ ព្រោះថា ចំណុចនេះមានលក្ខណៈសំខាន់ ហើយក៏គ្មានអ្នកណាម្នាក់ធ្វើបានគ្រប់ជ្រុងជ្រោយដែរ ។
-កុំខ្មាសអៀនក្នុងការប្រើពាក្យថា “សុំ ទោស” ព្រោះការសុំទោស មិនមែនជារឿង គួរឱ្យខ្មាសអៀនទេ ។
-ស្រលាញ់ខ្លួនឯងឱ្យបានច្រើន ព្រោះបើ មិនស្រលាញ់ខ្លួនឯង តើអ្នកណានឹងមក ស្រលាញ់ជំនួស ៕
ចែករំលែកព័តមាននេះ