ខេត្តត្បូងឃ្មុំ៖ អគ្គីភ័យបានឆាបឆេះលំនៅឋានរបស់ប្រជាពលរដ្ឋមួយខ្នងស្ថិតនៅភូមិបឹងកណ្តាល ឃុំមៀន ស្រុកអូររាំងឪ ។ ហេតុការណ៏នេះកើតឡើងកាលពីវេលាម៉ោង៤និង២០នាទីរសៀលថ្ងៃទី១៦ ឧសភា ២០១៨ ហើយត្រូវបានរថយន្តពន្លត់អគ្គីភ័យចេញទៅអន្តរាគមន៏បាញ់ទឹកពន្លត់ផងដែរ ។…
ខេត្តត្បូងឃ្មុំ៖ អគ្គីភ័យបានឆាបឆេះលំនៅឋានរបស់ប្រជាពលរដ្ឋមួយខ្នងស្ថិតនៅភូមិបឹងកណ្តាល ឃុំមៀន ស្រុកអូររាំងឪ ។ ហេតុការណ៏នេះកើតឡើងកាលពីវេលាម៉ោង៤និង២០នាទីរសៀលថ្ងៃទី១៦ ឧសភា ២០១៨ ហើយត្រូវបានរថយន្តពន្លត់អគ្គីភ័យចេញទៅអន្តរាគមន៏បាញ់ទឹកពន្លត់ផងដែរ ។
លោកវរសេនីយ៍ឯក លឿង រដ្ឋា អធិការនគរបាលស្រុកអូររាំងឪបានដឹងថា លំនៅឋានដែលត្រូវ
បានអគ្គីភ័យឆាបឆេះនោះជាកម្មសិទ្ធរបស់លោកតាឈ្មោះ ប៉ា ស្រ៊ី អាយុ៨០ឆ្នាំ មានទំហំ៧ម៉ែត្រគុណ៩ម៉ែត្រធ្វើអំពើឈើប្រក់ក្បឿង។ ក្នុងហេតុការណ៍អគ្គីភ័យឆេះផ្ទះនោះគឺម្ចាស់ផ្ទះមិនបាននៅទេ ដោយគាត់បានចាកចេញទៅព្យាបាលជំងឺនៅរាជធានីភ្នំពេញ ។
អធិការនគរបាលស្រុកអូររាំងឪប្រាប់បន្តថា ក្នុងពេលអគ្គិភ័យឆេះផ្ទះកើតឡើង ត្រូវបានលោកនាយប៉ុស្តិ៍រដ្ឋបាលមៀន បានរាយការណ៏មករូបលោកជាបន្ទាន់ ហើយលោកក៏បានឲ្យរថយន្តពន្លត់អគ្គីភ័យរបស់អធិការដ្ឋានស្រុក១គ្រឿងដែលនៅប្រចាំការ២៤ម៉ោងចេញអន្តរាគមន៍បាញ់ទឹកពន្លត់ ។ ជាមួយនោះលោកឧត្តមសេនីយ៍ទោ បែន រ័ត្ន ស្នងការនគរបាលខេត្តបានបញ្ជាឲ្យរថយន្តពន្លត់អគ្គីភ័យស្រុកត្បូងឃ្មុំ១គ្រឿង ចេញមកជួយបាញ់ទឹកផងដែរ ទំរាំតែពន្លត់បាន ភ្លើងបានឆាបឆេះផ្ទះស្ទើរតែទាំងស្រុងទៅហើយ ដោយនៅសល់តែសសរប៉ុណ្ណោះ។
ក្នុងហេតុការណ៍ភ្លើងឆេះផ្ទះនេះមិនបានរាលដាលឆាបឆេះបន្តទៅផ្ទះអ្នកផ្សេងនោះទេ ព្រោះផ្ទះកើតហេតុសាងសង់នៅឆ្ងាយដាច់ពីគេ ហើយមូលហេតុនៃការឆេះនេះបណ្តាលមកពីទុស្សេខ្សែភ្លើង ។
លោកវរសេនីយ៏ឯក លឿង រដ្ឋា អធិការនគរបាលស្រុកអូររាំងឪបានក្រើនរំលឹកដល់ប្រជាពលរដ្ឋរស់
នៅតាមមូលដ្ឋានក្នុងស្រុកអូររាំងឪ ត្រូវតែមានការប្រុងប្រយ័ត្នមុននឹងចេញពីផ្ទះត្រូវបិទបារ៉ែតភ្លើង
ពន្លត់ភ្លើងទៀន ឬធូប ដើម្បីចៀសវាងកុំឲ្យមានអគ្គីភ័យកើតឡើងជាយថាហេតុ ៕
ចែករំលែកព័តមាននេះ