ខេត្តបាត់ដំបង ៖ សមត្ថកិច្ចបានរាយការណ៍ថា ក្មេងស្រីម្នាក់បានលង់ទឹកស្រះនៅក្បែផ្ទះស្លាប់ កាលពីវេលាម៉ោង០២នាទីរសៀលថ្ងៃទី១៦ ឧសភា នេះ ស្ថិតនៅក្នុងភូមិអណ្ដូងចេញ សង្កាត់អូរចារ ក្រុងបាត់ដំបង…
ខេត្តបាត់ដំបង ៖ សមត្ថកិច្ចបានរាយការណ៍ថា ក្មេងស្រីម្នាក់បានលង់ទឹកស្រះនៅក្បែផ្ទះស្លាប់ កាលពីវេលាម៉ោង០២នាទីរសៀលថ្ងៃទី១៦ ឧសភា នេះ ស្ថិតនៅក្នុងភូមិអណ្ដូងចេញ សង្កាត់អូរចារ ក្រុងបាត់ដំបង ។
ក្មេងស្រីរងគ្រោះឈ្មោះតូ ណាវី អាយុ១០ឆ្នាំ រស់នៅភូមិសង្កាត់កើតហេតុខាងលើ ។ ប្រភពខាងលើបានឲ្យដឹងថា ក្មេងស្រីនោះបានចុះលេងទឹកស្រះ ហើយត្រូវបានអ្នកភូមិមើលឃើញ ពេលនាងកំពុងលង់ទឹក តែមិនអាចជួយសង្គ្រោះបាន បើទោះជាជីតារបស់នាងបានចុះរាវរកឃើញភ្លាមៗក្ដី ។ បើតាមការបញ្ជាក់របស់ជីតានាង ឈ្មោះតូ ភណ្ឌ័ អាយុ៥០ឆ្នាំ បានបញ្ជាក់ថា ចៅស្រីគាត់កើតជំងឺស្រឺត និងប្រកាច់ជាញឹកញាប់។ គាត់និយាយថា ពេលកើតហេតុ គឺគាត់កំពុងនៅក្នុងផ្ទះ ស្រាប់តែអ្នកភូមិមកប្រាប់ថា ចៅស្រីគាត់កំពុងលង់ទឹក គាត់ក៏រត់ទៅចុះរាវរកចៅឃើញ ហើយយកមកជួយសង្គ្រោះដែរ តែនាងបានស្លាប់បាត់ហើយ។
ក្រោយពីទទូលព័ត៌មាននេះមន្ត្រីជំនាញ នៃអធិការដ្ឋាននគរបាលក្រុងបាត់ដំបង បានចុះទៅត្រួតពិនិត្យទីកន្លែងកើតហេតុភ្លាមៗដែរ។ មន្ត្រីជំនាញបានអះអាងថា ក្មេងស្រីនោះ ពិតជាបានលង់ទឹកស្រះស្លាប់ពិតប្រាកដមែន ហើយបានធ្វើកំណត់ហេតុប្រគល់សពក្មេងស្រីឲ្យទៅក្រុមគ្រួសារ ដើម្បីយកធ្វើបុណ្យតាមប្រពៃណី ។
ចែករំលែកព័តមាននេះ